Boksshylardyń tartysqa toly jekpe-jekterimen bastalǵan 12 tamyzdyń keshinde otandastarymyz kelesi sport túrlerinen baq synaidy:
17:30-da bizdiń eskekshi Vladislav Iakovlev «Lagoa» stadionynda akademiialyq esýde finaldyq básekege túspek. Ol - halyqaralyq sanattaǵy sport sheberi, jasóspirimder arasynda 2010, 2011 jáne 2012 jyldardaǵy Aziia chempiony.
Sondai-aq 18:00 saǵatta akademiialyq esýden ótetin finaldyq básekede qazaqstandyq sportshy Svetlana Germanovich óz baǵyn synamaq.
18:00-de nysana kózdeýden kezekti syndar ótpek. Bul joly sportshylar 50 metrlik jatyp atýdan kim myqtyny anyqtaidy. Biliktilik saiysynda bizdiń eldiń namysyn Iýrii Iýrkov qorǵaidy. Byltyr ol Qazaqstan rekordyn jańartqan edi. Bul joly Olimpiada oiyndarynda rekord ornatady dep senemiz.
Saǵat 18.30-da jeńil atletikadan jarys bastalady. Olimpiada stadiony 34 sportshyny qabyldamaq. A tobynda bizdiń otandasymyz Evgenii Labýtov disk laqytrýdan kúsh synasady. Sońǵy jyldary Lobýtov Qazaqstanda eshkimge des bermei keldi. Biraq Olimpiada oiyndarynda Qazaqstan úshin joldama alady dep eshkim oilamaǵan edi.
Saǵat 22.30-da 75 kelige deiingi salmaqta qazaqstandyq boksshy Jánibek Álimhanuly aljirlik óren Ilias Abbadimen judyryq túiistiredi. 1/16 finalda ol britandyq Entoni Faýlerdi jeńgen bolatyn. Álimhanuly 2013 jylǵy álem chempiony, 2013 jylǵy Aziia chempionatynyń altyn medal iegeri, 2014 jyly Aziia oiyndarynyń jeńimpazy. Ilias Abbadi - aljirlik boksshy, 2012 jyly London Olimpiadasynda 69 kelige deiingi salmaqta óner kórsetti. 2011 jylǵy Afrika chempionatynyń kúmis júldegeri.
Kúnniń sońynda, shamamen 23:30-da Pontal mýnitsipalitetinde sporttyq júristen jarys ótedi. Erler arasyndaǵy 20 shaqyrymdyq dodaǵa bizdiń eldiń atynan Georgii Sheiko shyǵady. Sheiko 1989 jyly týǵan. 2012 jyly London Olimpiadasynda 20 shaqyrymdyq saiysta ol tek 35-orynǵa ie bolǵan edi.
Sonymen qatar, 12-nen 13-ne aýǵan shaqta Aýyr atletikadan 85 kg deiin salmaq dárejesinde baq synaityn Denis Ýlanov shyǵady. Tolaǵailardyń básekesi saǵat 04:00-de bastalmaq.
Aita keteiik, qazirgi ýaqytta Qazaqstan Riodaǵy Olimpiada oiyndaryndaǵy medaldar reitinginde on ekinshi orynda tur.
Ult portaly
