بوكسشىلاردىڭ تارتىسقا تولى جەكپە-جەكتەرٸمەن باستالعان 12 تامىزدىڭ كەشٸندە وتانداستارىمىز كەلەسٸ سپورت تٷرلەرٸنەن باق سىنايدى:
17:30-دا بٸزدٸڭ ەسكەكشٸ ۆلاديسلاۆ ياكوۆلەۆ «لاگوا» ستاديونىندا اكادەمييالىق ەسۋدە فينالدىق بەسەكەگە تٷسپەك. ول - حالىقارالىق ساناتتاعى سپورت شەبەرٸ, جاسٶسپٸرٸمدەر اراسىندا 2010, 2011 جەنە 2012 جىلدارداعى ازييا چەمپيونى.
سونداي-اق 18:00 ساعاتتا اكادەمييالىق ەسۋدەن ٶتەتٸن فينالدىق بەسەكەدە قازاقستاندىق سپورتشى سۆەتلانا گەرمانوۆيچ ٶز باعىن سىناماق.
18:00-دە نىسانا كٶزدەۋدەن كەزەكتٸ سىندار ٶتپەك. بۇل جولى سپورتشىلار 50 مەترلٸك جاتىپ اتۋدان كٸم مىقتىنى انىقتايدى. بٸلٸكتٸلٸك سايىسىندا بٸزدٸڭ ەلدٸڭ نامىسىن يۋريي يۋركوۆ قورعايدى. بىلتىر ول قازاقستان رەكوردىن جاڭارتقان ەدٸ. بۇل جولى وليمپيادا ويىندارىندا رەكورد ورناتادى دەپ سەنەمٸز.
ساعات 18.30-دا جەڭٸل اتلەتيكادان جارىس باستالادى. وليمپيادا ستاديونى 34 سپورتشىنى قابىلداماق. ا توبىندا بٸزدٸڭ وتانداسىمىز ەۆگەنيي لابۋتوۆ ديسك لاقىترۋدان كٷش سىناسادى. سوڭعى جىلدارى لوبۋتوۆ قازاقستاندا ەشكٸمگە دەس بەرمەي كەلدٸ. بٸراق وليمپيادا ويىندارىندا قازاقستان ٷشٸن جولداما الادى دەپ ەشكٸم ويلاماعان ەدٸ.
ساعات 22.30-دا 75 كەلٸگە دەيٸنگٸ سالماقتا قازاقستاندىق بوكسشى جەنٸبەك ەلٸمحانۇلى الجيرلٸك ٶرەن يلياس ابباديمەن جۇدىرىق تٷيٸستٸرەدٸ. 1/16 فينالدا ول بريتاندىق ەنتوني فاۋلەردٸ جەڭگەن بولاتىن. ەلٸمحانۇلى 2013 جىلعى ەلەم چەمپيونى, 2013 جىلعى ازييا چەمپيوناتىنىڭ التىن مەدال يەگەرٸ, 2014 جىلى ازييا ويىندارىنىڭ جەڭٸمپازى. يلياس اببادي - الجيرلٸك بوكسشى, 2012 جىلى لوندون وليمپياداسىندا 69 كەلٸگە دەيٸنگٸ سالماقتا ٶنەر كٶرسەتتٸ. 2011 جىلعى افريكا چەمپيوناتىنىڭ كٷمٸس جٷلدەگەرٸ.
كٷننٸڭ سوڭىندا, شامامەن 23:30-دا پونتال مۋنيتسيپاليتەتٸندە سپورتتىق جٷرٸستەن جارىس ٶتەدٸ. ەرلەر اراسىنداعى 20 شاقىرىمدىق دوداعا بٸزدٸڭ ەلدٸڭ اتىنان گەورگيي شەيكو شىعادى. شەيكو 1989 جىلى تۋعان. 2012 جىلى لوندون وليمپياداسىندا 20 شاقىرىمدىق سايىستا ول تەك 35-ورىنعا يە بولعان ەدٸ.
سونىمەن قاتار, 12-نەن 13-نە اۋعان شاقتا اۋىر اتلەتيكادان 85 كگ دەيٸن سالماق دەرەجەسٸندە باق سىنايتىن دەنيس ۋلانوۆ شىعادى. تولاعايلاردىڭ بەسەكەسٸ ساعات 04:00-دە باستالماق.
ايتا كەتەيٸك, قازٸرگٸ ۋاقىتتا قازاقستان ريوداعى وليمپيادا ويىندارىنداعى مەدالدار رەيتينگٸندە ون ەكٸنشٸ ورىندا تۇر.
ۇلت پورتالى
