Elimizdiń 12 óńirinde 8 141 sailaý ýchaskesinde daýys berý bastaldy. Bul týraly QR Ortalyq sailaý komissiiasynyń múshesi Asylbek Smaǵulov aitty, dep habarlaidy "Ult aqparat".
«Oblystyq, respýblikalyq mańyzy bar qalalardyń, astananyń sailaý komissiialary usynǵan derekterge sáikes, 2021 jylǵy 10 qańtardaǵy Nur-Sultan ýaqytymen saǵat 7-degi jaǵdai boiynsha 12 óńirde 8 141 sailaý ýchaskesi daýys berýge kiristi. Sondai-aq 12 shet memlekettegi QR ókildikteri janyndaǵy 12 ýchaskede daýys berý bastaldy. QR-da barlyǵy 10 060 sailaý ýchaskesi bar. Onyń ishinde 66 sailaý ýchaskesi - 53 shet memleketterdegi ókildikter janynda», - dedi ol.
Onyń atap ótýinshe, «QR-daǵy Sailaý týraly» Konstitýtsiialyq zań aiasynda aýmaqtyq sailaý komissiialary qabyldaǵan sheshimderge sáikes 47 ýchaskede daýys berý tańǵy saǵat 6-da bastaldy.
«Ýaqyt beldeýleriniń shekarasyna sáikes, 5 óńirde – Aqtóbe, Atyraý, Batys Qazaqstan, Qyzylorda jáne Mańǵystaý oblystarynda sailaý ýchaskelerinde daýys berý jergilikti ýaqyt boiynsha saǵat 7-de, iaǵni, Nur-Sultan ýaqytymen 8-de bastalady», - dedi Asylbek Smaǵulov.
