Búgin Ortalyq kommýnikatsiialar qyzmetinde ótken baspasóz máslihatynda QR Qarjy ministrligi Memlekettik kirister komiteti tóraǵasynyń mindetin atqarýshy Jánibek Nurjanov biznes sýbektileriniń 75% salyqtan bosatylatynyn aitty, dep habarlaidy QazAqparat.
«Bizdiń derekter boiynsha, barlyǵy 1,2 mln kəsipkerlik sýbekti salyqtan bosatýǵa jatady. Bul biznes sýbektilerdiń barlyq sanynyń 75%. Memlekettik kirister organdary tekserýlerdiń sanyn tómendetý boiynsha josparly túrde jumys atqarýda. 2019 jyly memlekettik kirister organdary 27 187 salyqtyq tekseris ótkizdi. Bul, ótken jyldyń osy merzimimen salystyrǵanda 28,7% tómen», - deidi Jánibek Nurjanov.
Sonymen qatar, onyń aitýynsha, təýekelderdi basqarý júiesin irikteý ólshemderin jetildirý jəne memlekettik kirister organdarynyń ókiminde bar derekterdi taldaý arqyly zań buzýshylyqtardy anyqtaý boiynsha jumystar kúsheitilýde.
Buǵan deiin J.Nurjanov arnaýly salyq rejimderin qoldanatyn, sondai-aq mikro jəne shaǵyn kəsipkerlik sýbektisi bolyp tabylatyn tulǵalar biylǵy 1 qańtardan bastap, 2022 jyldyń 31 jeltoqsanyna deiin tabys salyǵynan bosatý erejelerin qoldanýǵa quqyly ekenin málim etken bolatyn.
