110 myńnan astam jeke tulǵa 700 mln teńge ósimpuldan qutyldy, dep habarlaidy "Ult aqparat".
«2019 jyldyń 5 qyrkúiegindegi jaǵdai boiynsha, 114 849 jeke tulǵanyń 688,3 mln teńge ósimpuly shyǵynǵa jazyldy. Olar jyl basynan beri 2,9 mlrd teńge kólemindegi negizgi qaryzdaryn tólegen. Tolyqtai alǵanda, raqymshylyqtyń shamamen 1,4 mln adamǵa qatysy bar. Eger olar 13,9 mlrd teńge somasyndaǵy negizgi qaryzdaryn ótegen jaǵdaida 6,3 mlrd teńge somasyndaǵy ósimpul shyǵynǵa jazylady», - delingen QR QM Memlekettik kirister komiteti taratqan aqparatta.
Vedomstvo málimetinshe, komitettiń barlyq aýmaqtyq bólimshelerine osy jyldyń 13-14 tamyz kúnderi ósimpuldardy shyǵynǵa jazý jónindegi komissiia qurý týraly buiryq berilgen.
