11 jastaǵy almatylyq Sofi Manasian Los-Andjeleste Búkilálemdik Aziia kinosy festivali aiasynda qyzyl kilemmen júrip ótti, dep habarlaidy "Ult aqparat".
Nickelodeon telearnasyndaǵy Lip Sync Battle Shorties balalar shoýyna qatysý arqyly tek Qazaqstanda ǵana emes, AQSh-ta da qatarlastarynyń arasynda tanymal bolǵan Sofi qýanyshty jańalyǵyn Instagram-paraqshasynda bólisti.
«Dúniejúzilik Aziia kino festivali – 2019. Ashylýy keremet boldy, barlyq kórsetilimderde júzdesemiz», - dep jazdy 11 jastaǵy almatylyq.
Sofi qyzyl kilemmen qazaqstandyq dizainerlerdiń biriniń qolynan shyqqan kóilekpen júrip ótken.
Aita keteiik, Rústem Ábdirashevtiń «Qazaq handyǵy. Altyn taq», Ermek Tursynovtyń «Shyraqshy» jáne Farhat Sháripovtiń «Tulǵalyq ósý treningi» filmderi AQSh-tyń Los-Andjeles qalasynda qarashanyń 6-y men 14-i aralyǵynda ótip jatqan Asian World Film Festival festivaline qatysyp jatyr. Bul týyndylardy QR Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» AQ túsirgen.
