Qazgidromet 11 shildege arnalǵan aýa raiy boljamyn jariialady, dep habarlaidy "Ult aqparat".
Vedomstvonyń málimetinshe, respýblikanyń basym bóliginde ońtústik tsiklonnyń áserinen qubylmaly aýa raiy saqtalady.
Naizaǵai jarqyldaidy, el óńiiriniń ortalyq, soltústik-batys jáne shyǵysynda qatty jańbyr jaýady. Tek ońtústik-batysta jáne ońtústikte kún ashyq bolady. Respýblika boiynsha kei jerlerde daýyl turyp, burshaq jaýady, jeldiń kúsheiýi yqtimal, ońtústik jáne ońtústik batysta shańdy daýyl turady.
Shyǵys Qazaqstan, Qaraǵandy oblystarynyń kei jerlerinde daýyl, burshaq kútiledi, jeldiń kúshi 15-20, ekpini 25 m/s.
Almaty, Jambyl oblystarynyń kei jerlerinde jeldiń jyldamdyǵy 15-20 m/s jetedi, ekpini 23-28 m/s.
Jambyl oblysynyń kei jerlerinde – shańdy daýyl, Almaty oblysynda burshaq jaýýy yqtimal.
Túrkistan oblysynyń kei jerlerinde jel 15-20 m/s, shańdy daýyl soǵady.
Pavlodar oblysynyń kei jerlerinde burshaq, jel 15-20 m/s kúsheiedi, túnde jáne tańerteń tuman túsýi yqtimal.
Qostanai oblysynyń kei jerlerinde burshaq , jeldiń kúshi 15-20 m/s.
Batys Qazaqstan oblysynyń kei jerlerinde jeldiń jyldamdyǵy 15-20 m/s jetedi, kúndiz daýyl, burshaq kútiledi.
Kúndiz Aqmola, Qyzylorda, Atyraý, Aqtóbe, Soltústik Qazaqstan oblystarynyń kei jerlerinde jel 15-20 m/s kúsheiedi,
Qyzylorda oblysynda shańdy daýyl turady.
Kúndiz Atyraý oblysynda aptap ystyq saqtalady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Aqtóbe, Qostanai, Qaraǵandy, Batys Qazaqstan, Aqmola, Almaty oblystarynyń kei jerlerinde óte joǵary órt qaýpi bar.
