Ortalyq sailaý komissiiasynyń serverlerinen derekterdiń taralyp ketýi múmkin emes. QR Ortalyq sailaý komissiiasy osylai málimdedi, dep habarlaidy "Ult aqparat".
QR OSK baspasóz qyzmetiniń málimetinshe, aqparattyq-kommýnikatsiialyq sailaý infraqurylymyn, onyń ishinde sailaýshylardyń biryńǵai elektrondyq tizilimin qurýmen, basqarýmen jáne paidalanýmen 2005 jyldan bastap Ortsailaýkomnyń vedomstvolyq baǵynysty uiymy – «Ortalyq sailaý komissiiasynyń Injenerlik – tehnikalyq ortalyǵy» RMK ainalysady.
«Sailaýshy-azamattardyń biryńǵai elektrondyq tizilimi Ortalyq sailaý komissiiasynyń serverlerinde ornalasqan, olar aqparatty qorǵaýdyń barlyq sharalaryn kózdeidi jáne syrtqy qosylystary joq, onyń ishinde Internet jelisine qosylmaǵan. Osylaisha, OSK serverlerinen derekterdiń taralyp ketýi múmkin emes.
Ortalyq sailaý komissiiasy sailaýshylardyń derbes derekterin taratý qaýpi týraly jariia alańda baiandalǵan faktiler boiynsha qyzmettik tekserý júrgizdi. Qupiia aqparattyń jaiylýyna ákep soǵýy múmkin Ortalyq sailaý komissiiasynyń serverlerine ruqsatsyz qol jetkizý áreketterin tekserý nátijeleri boiynsha anyqtalǵan joq», delingen resmi habarlamada.
Ortsailaýkomnyń málimdeýinshe, bul rette «QR OSK ITO» RMK merdigerlik uiymynyń aqparattyq-taldaý júiesiniń fýnktsionalyn jetildirý boiynsha jumys barysynda derekterdi komprometatsiialaý kózi bola alatyn ázirleý serverin paidalanǵandyǵy anyqtalǵan.
«Qyzmettik tekserý nátijeleri, sondai-aq «QR OSK ITO» RMK tapsyrysy boiynsha jumystar keshenin júzege asyrǵan merdigerlik uiymnyń qyzmetine qatysty materialdar ýákiletti organdarǵa berildi. IIM júrgizgen sotqa deiingi tergeý sheńberinde bolǵan oqiǵanyń barlyq mán-jailaryn anyqtaýǵa belsendi kómek kórsetiledi», delingen habarlamada.
Sonymen qatar biyl aqparattyq qaýipsizdikke qatysty qosymsha sharalar qabyldanyp, eki márte aýdit júrgizilgen. Atap aitqanda, Memlekettik tehnikalyq qyzmeti aqpan aiynda, OSK bastamasy boiynsha «TsARKA» zańdy tulǵalar birlestigi jasaǵan memorandým negizinde maýsym aiynda aýdit júrgizilgen.
«TsARKA» ZTB belgilengen yntymaqtastyq sheńberinde aqparattyq júielerdiń keshendi aýditin, syrtqy jáne ishki testileýdi júzege asyrdy, qaýipsizdik qaterlerine bailanysty táýekelderdi taldaýdy jáne baǵalaýdy júrgizdi jáne t. b.
Aqparattyq qaýipsizdik aýditiniń qorytyndylary boiynsha 2019 jylǵy 6 maýsymdaǵy «TsARKA» ZTB esebi qoljetimdiligi shekteýli aqparattyń, onyń ishinde sailaýshylardyń derbes derekteriniń taralyp ketý qaýpi men osaldyǵyn anyqtaý týraly derekterdi qamtymaidy. Esepte qamtylǵan aqparattyq qaýipsizdik sharalaryn kúsheitý jónindegi usynymdar tolyq kólemde ýaqtyly iske asyryldy», delingen habarlamada.
