11 mamyrda Nursultan men Almaty qalalarynan Qaraǵandy, Aqtóbe, Pavlodar, Qostanai, Kókshetaý, Taraz, Taldyqorǵan qalalaryna áýe qatynastary jandanady. Osy oraida tiisti qaýlyǵa Kóliktegi bas sanitarlyq dárigeri Sádýaqas Baiǵabylov qol qoidy, dep habarlaidy "Ult aqparat".
Osy oraida áýe kompaniialary basshylaryna tiisti mindetter júktelgen.
«COVID-19 testinen jáne jeke qorǵaný quraldarynan ótkeni týraly anyqtama (berilgen kúnnen bastap 14 kún, PTR -zertteý) bolǵan jaǵdaida qyzmetkerlerdi jumysqa jiberýdi; dene temperatýrasyn ólshei otyryp, qyzmetkerlerdiń aýysym aldyndaǵy meditsinalyq tekserýden ótkizýdi; COVID-19 testinen ótkeni týraly anyqtama bolǵan kezde ǵana jolaýshylardy tirkeýdi jáne otyrǵyzýdy (anyqtamanyń qoldanylý merzimi berilgen kúnnen bastap 7 kún, PTR-zertteý); áýe kemesinen tirkeýden, otyrǵyzýdan jáne túsirýden ótý kezinde jolaýshylar arasyndaǵy qaýipsiz qashyqtyqty saqtaýdy (1 metr) qamtamasyz etýi kerek», - delingen qaýlyda.
Budan bólek, áýejaidan ushyp shyqqan kezde Nur-Sultan, Almaty, Aqtóbe, Qaraǵandy, Qostanai, Kókshetaý, Taraz, Taldyqorǵan jáne Pavlodar qalalarynyń áýejai basshylary COVID-19 testinen ótkeni týraly anyqtama jáne jeke qorǵaný quraldary bolǵan jaǵdaida qyzmetkerlerdi jumysqa jiberilýin, jolaýshylar arasyndaǵy qaýipsiz araqashyqtyqtyń saqtalýyn qamtamasyz etýi kerek. Sonymen qatar, áýejailarǵa ózge de tiisti talaptardy oryndaý júktelip otyr.
Eske sala ketsek, 4 mamyrdan bastap Nur-Sultan men Almatydan Qyzylordaǵa, Petropavlǵa, Óskemenge jáne Semeige áýe qatynastary qaita jandandy.
