Sýret: Aýyl sharýashylyǵy ministrligi
QR men RF shekarasynda Aidarbek Saparov Resei Federatsiiasy Orynbor oblysynyń aýyl sharýashylyǵy vitse-ministrimen shegirtkelerge qarsy kúres máseleleri boiynsha kelissózder júrgizdi, dep habarlaidy "Ult aqparat".
Buǵan deiin 18 maýsymda Aqtóbe oblysynyń Áiteke bi aýdanynda Orynbor oblysynyń Svetlin aýdany tarapynan shegirtke tuqymdastarynyń aýysýy baiqalǵan bolatyn. Shegirtkeniń ushýyn tirkeý nátijesinde QR Aýyl sharýashylyǵy ministri himiialyq óńdeý oryndaryna baryp, Qostanai jáne Aqtóbe oblystarynyń Resei Federatsiiasy Orynbor oblysymen shekaralas aýmaǵyna inspektsiia júrgizdi.
Áiteke bi aýdanynda himiialyq óńdeýge josparlanǵan 307 myń gektardyń 71 myń gektary óńdeldi. Arnaiy búrikkish tehnikanyń 33 birligi paidalanylýda, 6 shaǵyn ushaq tartyldy. Búgingi tańda Qazaqstan tarapynan uzyndyǵy 104 km Resei-Qazaqstan shekarasy boiynda himiialyq jumystar júrgizildi.
Jalpy oblys boiynsha 76 birlik tehnika, sonyń ishinde 11 ushaq jumys isteidi, jumystar 784 myń ga alqapta josparlanǵan, óńdeý jumystary 482 myń ga nemese 61% alqapta aiaqtalǵan.
Orynbor oblysynyń aýyl sharýashylyǵy vitse-ministri Janar Qurmanbaev Orynbor oblysynda Resei-Qazaqstan shekarasy boiymen 22 myń ga - 10 km jer óńdelgenin atap ótti. 12 tehnika jumys istedi, 20 maýsymnan bastap taǵy 12 tehnika tartyldy.
"Reseilik taraptyń óńdeýdi kúsheitip, qosymsha tehnika tartýy mańyzdy. Resei Federatsiiasy aýyl sharýashylyǵy ministri Oksana Lýtqa aviatsiiany tartýdy, sondai-aq beitarap aýmaqta óńdeýler júrgizýdi surap júgindim", - dep atap ótti Aidarbek Saparov.
Kezdesý qorytyndysy boiynsha shegirtke ziiankesteriniń shekaralas memleketterge kóshýine jol bermeý boiynsha kelisimder týraly hattamaǵa qol qoiyldy.
Qazaqstanda 20 maýsymda 1,6 mln ga, Qostanai oblysyn qosa alǵanda 270 myń ga jáne Aqtóbe oblysynda 482 myń ga alańda himiialyq óńdeý júrgizildi. Shekara mańyndaǵy 8 aimaqta da qorǵaý sharalary jalǵasýda. Aýmaqtardy monitoringtik tekserý jalǵasýda.
