«100 jańa oqýlyq» jobasy qazaq tilinde dami qoimaǵan jańa salalardy ashty. Bul týraly QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń keńeitilgen májilisinde QRO Memlekettik hatshysy Qyrymbek Kósherbaev aitty, dep habarlaidy QazAqparat.
«Osy jobanyń arqasynda biz qazaq tilinde dami qoimaǵan birqatar múlde jańa salalardy ashtyq. Ekonomiks, mikro jáne makroekonomika, menedjment jáne marketing, qarjylyq saýattylyq, aǵylshyn zańy, statistika, sandyq jáne sapalyq zertteýler ádisteri, etika men estetika, antropologiia, internet psihologiiasy, media etika, óner tarihy, teatr jáne kiontaný, stsenaristika sekildi tutas jańa baǵyttar paida boldy», - dedi ol.
Memlekettik hatshy Nobel syilyǵynyń laýreaty Bertran Rasseldiń «Batys filosofiiasynyń tarihy», Ernst Gombrihtiń ataqty «Óner tarihy», búkil álem oqityn Filipp Kotlerdiń «Marketing printsipteri», Endriý Heivýdtyń «Saiasattanýy» alǵash ret qazaq tilinde jaryq kórgenin atap ótti.
«Bul - úlken eńbek, zor jetistik, qazaq qoǵamy úshin úlken olja. Bul - bizdiń jastarymyzǵa jasalǵan keremet múmkindik. bilim berý júiesine jasalǵan qoldaý jáne árine, ana tilimizdi damytýǵa qosylǵan zor úles. Aýdarma arqyly ózge tilden jańa mazmun alý óte mańyzdy. Sonymen qatar óz erekshelikterizdi, qazaq mádenietin, rýhaniiatyn basqa tilderde tanystyrý, álemge nasihattaý da mańyzdy. Bul alys-beris ekijaqty bolǵany durys. Bul baǵytta da Ulttyq aýdarma biýrosy arqyly birneshe kólemdi, sátti jobalardyń iske asqanyn da atap ótý kerek, 60 qazaqstandyq aqyn-jazýshynyń tańdamaly shyǵarmalary BUU-nyń 6 resmi tiline aýdarylyp, osy 6 tilde sóileitin 90 eldiń kitaphanalaryna taratyldy. Ótken jyly Memlket basshysy Qasym-Jomart Toqaevtyń tapsyrmasymen Abaidyń 175 jyldyǵyna orai uly aqynnyń jinaqtary álemniń 10 tiline aýdarylyp, tarataldy», - dedi Qyrymbek Kósherbaev.
