«SarapTime» sarapshylary dóńgelek ústelde bas qosty. Jiynnyń maqsaty - «Qazaqstannyń 100 jańa esimi» Rýhani jańǵyrý melmekettik baǵdarlamasy aiasynda iske asatyn aýqymdy jobanyń júrgizilý retin talqylaý. «Qazaqstannyń 100 jańa esimine» qoiylatyn talaptardy anyqtap, laiyqtylardy daralady. Sonymen qatar, baiqaýdyń maqsaty men baǵyt-baǵdary da talqyǵa tústi. Bul týraly Qazaqstannyń Ortalyq kommýnikatsiialar qyzmetinde habarlandy.
Sarapshylar klýbyna «Qazkontent» AQ basshysy Evgenii Kochetov, «Biýro 100» bastamashyl toptyń múshesi Mahabbat Esen, «Qoǵamdyq kelisim» baspasóz jetekshisi Qymbat Dosjan jáne elimizge belgili aqyn, jýrnalister qatysty. Jiyn barysynda «100esim.el.kz» saity óz jumysyn bastahany týraly habarlandy. Onlain tirkelý sharttary boiynsha ár adam ózi týraly qysqa aqparaty saitqa júktei alady. Búginge deiin túrli mamandyq ielerinen 1000-nan astam ótinim qabyldanǵan.
– «Biýro 100» bastamashylar tobynyń múshesi Mahabbat Esen bir ai boiy áleýmettik jeli qoldanýshylarynyń usynǵan kandidattaryn tizimge alyp, jumys istep júrgeni týraly málimdedi. «Qoǵamǵa paidasy tiip júrgen adamdardy izdep taýyp eldiń nazaryna usynýdy azamattyq boryshym dep sanaimyn. Bul baiqaý ádil bolatynyna senemin. Eńbegi elenbei, tasada qalyp júrgen adamdarǵa kórinentin ýaqyt keldi dep oilaimyn, – dedi Mahabbat Esen. Ol «Qazaqstannyń 100 jańa esimi» jobasyna Aqmola oblysynyń turǵyny Anatoliia Dobrovoltsev esimdi omartashynyń ómirin úlgi tutýǵa bolatynyn aityp, aýylda bal óndirisin jolǵa qoiǵan tabysty adamdy mysalǵa keltirdi.
