Búgin «100 jańa esim» jobasynyń III maýsymynyń daýys berý kezeńi bastaldy, dep habarlaidy QazAqparat ruh.kz saityna silteme jasap.
Búgin, iaǵni 5 qarasha kúni «100 jańa esim» jobasynyń III maýsymynyń daýys berý kezeńi bastaldy. Bul kezeń 20 qarashaǵa deiin jalǵaspaq.
«Qazaqstannyń 100 jańa esimi» jobasyna 1 665 ótinim kelip túsken.
«Qazaqstandyq jas kásipkerler arasynan – 129 adam, aq halatty abzal jastardan – 106 adam, mádeniet salasyndaǵy jastardan – 373 adam, qoǵam belsendilerinen – 307 adam, salaýatty ómir saltyn ustanatyn – 411 adam, ǵylym-bilim jolynda eńbek etip júrgen – 336 adam, jáne t.b. qazaqstandyq jastyń jáne Qytai men Reseidegi qazaq jastarynyń ótinimi qabyldandy», delingen habarlamada.
Jas ta bolsa birshama jetistikterge jetken zamandastarymyzdy qoldaýǵa, daýys berýge, jeńimpazdy anyqtaýǵa atsalýǵa shaqyramyn. El bilýi kerek dep esepteitin qyz-jigitterdi, «Qazaqstannyń 100 jańa esimin» birge anyqtalyq!
«Daýys berý úshin myna silteme arqyly, ne kez kelgen izdeý júiesi arqyly jobanyń negizgi saityna ótip, tintýirdi qalaǵan qatysýshyńyzǵa jaqyndatsańyz «daýys berý» tetigi shyǵady. Sol tetikti bir ret basý arqyly siz anketaǵa óte alasyz. Anketanyń (qatysýshy fotosynyń) astynda turǵan «daýys berý» tetigin taǵy basqan soń, júie sizdiń elektrondy meken-jaiyńyzdy suraidy. Elektrondy meken-jaidy engizý arqyly qupiia kod ala alasyz. Qupiia kodty kórsetilgen jerge jazý arqyly siz qatysýshyǵa daýys bere alasyz», delingen habarlamada.
Bir adam bir ǵana daýys bere alady.
