«Qazaqstandaǵy 100 jańa esim» jobasy elimizdiń ár túkpirinen, túrli jastaǵy adamdardyń, san alýan ult ókilderiniń arasynan otandastaryna úlgi bolatyn, tabysqa jetken adamdardyń tarihynan turady. Atalǵan júz jáne odan da kóp jańa esim zamanaýi Qazaqstannyń kelbeti men beinesine ainalady.
Búgingi kúnge deiin «100 jańa esim» jobasyna elimizdiń túkpir-túkpirinen 1700-den astam ótinish túsken.
Biregei jobanyń maqsat-mindetteri týraly Pavlodarda ótken jiynda sóz boldy. Elimizdiń gúldenýine ólsheýsiz úles qosqan azamattardyń ishinde 200-den astam pavlodarlyq bar. Olar – meditsina, pedagogika, óndiris salasynda eńbek etip júrgen qarapaiym azamattar. El damýyna atsalysqan jas jáne orta býyn ókilderi týraly málimetter túrli internet resýrstarda jariialanǵan.
«Rýhani jańǵyrý» baǵdarlamasy sheńberinde iske asyrylyp jatqan jobaǵa qatysýshylardy tirkeý jyl sońyna deiin jalǵasady.
Erjan Baǵdatov, bastamashyl top múshesi:
- Osyndai jobaǵa qoǵamnyń úlesi kerek. Atsalysyp, osyndai jobaǵa kóbirek qatysý kerek dep oilaimyz. Bul jobanyń maqsaty – qazaqstandyqtarǵa jalpy bizdiń ortamyzda júrgen adamdardyń istegen jumystaryn, olardyń qandai úles qosyp jatqanyn kórsetý.
Bul joba maqsaty Qazaqstannyń táýelsizdik alǵan jyldarynda el damýyna úlken úles qosqan azamattardy elmen tanystyrý. Elimizdiń damýy, beibit zamanda ómir súrýi, turaqty bolýy alýan túrli tulǵalardyń, san túrli taǵdyrlardyń eńbeginiń nátijesi. Kóp jaǵdaida, osy kóp eńbekti atqarǵan, el damýyna zor úles qosqan azamattardyń ózderi men olardyń tabysqa jetý tarihy ádette qurǵaq faktiler men tsifrlardyń tasasynda qalyp qoiady. «100 jańa esim» jobasy bul ketken olqylyqtyń ornyn toltyrýǵa arnalǵandai. Bul jobada Qazaqstannyń ár túrli óńirinde ómir súretin, ár túrli jastaǵy, san alýan etnos ókilderiniń tabysy, tabysqa jetý joldary baiandalmaq. Olardyń el damýyna qosqan úlesi, búginde qosyp jatqan paidasy da eskerýsiz qalmaidy. Jáne sol adamdardyń jetistikter tarihy men ómir joldarynan qazirgi qazaq qoǵamyn tanýǵa bolady. Bul joba áýelden úsh máseleni sheshýge baǵyttalǵan: birinshiden – Qazaqstannyń damýyna, árbir jańa belesti baǵyndyrýyna úles qosyp jatqan, el tarihyn jasaýda tikelei septigin tigizip jatqan tulǵalarmen qoǵamdy tanystyrady; ekinshiden – olarǵa aqparattyq qoldaý jasap, tanymal etýdiń jańa mýltimedialyq alańyn qalyptastyrady; úshinshiden – «100 jańa esim» jobasynyń ár óńirde balamasy bolady.
