Almaty qalasynda QR Prezidentiniń janyndaǵy Qazaqstan strategiialyq zertteýler institýtynyń uiymdastyrýymen «Qazirgi zamanǵy Qazaqstannyń tulǵalary: el jetistigin jasaýshylar» atty sarapshylar talqylaýy ótti.
Talqylaý barysynda pikiralmasýǵa qatysýshalar joba kúndelikti ómir qaharmandaryn tanymal etýge, jańa kózqarasty adamdarǵa, áleýmettik jedelsaty jumysynyń tetikterine baǵyttalǵandyǵyna nazar aýdardy, sonymen qatar sarapshylar bul laýazymdarǵa usynylatyn kandidattarǵa qoiylatyn talaptardy áli de jetildirý kerektigin atap ótti.
Alǵashqy bolyp baiandama jasaǵan QSZI-dyń áleýmettik-ekonomikalyq zertteýler bóliminiń jetekshisi Liazat Nurqatova N. Á. Nazarbaevtyń «Bolashaqqa baǵdar: rýhani jańǵyrý» atty baǵdarlamalyq maqalasyndaǵy «Qazaqstandaǵy 100 jańa esem» atty jobasynyń ereksheligine toqtaldy. «100 jańa esem» – kólemdi joba, bul el Táýelsizdigi jyldary jetistikke jetken ártúrli aimaqtyń, túrli ult ókilderi men ártrli jastaǵy naqty tulǵalardyń ómir tarihy. Sarapshy jobanyń negizgi maqsaty jetistikke jetken zamandastarymyz – zamanaýi Qazaqstannyń jetistigin jasaýshylardyń ómir jáne eńbek jolyn nasihattaý bolyp tabylady.
Sharanyń negizgi baiandamashylary: «Intellekt Orda» Halyqaralyq áleýmettik-gýmanitarlyq zertteýlerdiń integratsiiasy institýtynyń bas direktory Sattar Majitov, «Kto est kto v Kazahstane» ómirbaiandyq entsiklopediianyń bas redaktory Daniiar Áshimbaev jáne «Dobrovolnoe Obshestvo «Miloserdie» qaiyrymdylyq qorynyń direktory Arýjan Sain. Sarapshylar óz baiandamalarynda buǵan deiin oryn alǵan osyndai jobalardyń júzege asýymen tanystyrdy, olardyń qatarynda «Kto est kto v Kazahstane» ómirbaiandyq entsiklopediianyń, «HH ǵasyr tarihyndaǵy adam», «Altyn júrek» jyl saiynǵy ulttyq marapaty bar, sonymen qatar olar kandidattarǵa qoiylatyn talaptar men olardy irikteý quraldaryna taldaý jasady.
Talqylaýǵa sonymen qatar Almaty qalasy Qazaqstan halqy assambleiasy tóraǵasynyń orynbasary Kazbek Mamsýrov, Sinegeriia ýniversitetiniń qazaqstandyq ókildiginiń bas direktory Baýyrjan Qasymbergebaev, QR BǴM ǴK Filosofiia, saiasattaný jáne dintaný institýty direktory m.a. Serik Nurmuratov, FSDI jetekshi ǵylymi qyzmetkeri Raýshan Sultanova, Qazaqstan sýretshiler odaǵynyń súretshisi Kamilla Li, QSZI bas ǵylymi qyzmetkerleri Irina Chernyh, Lesia Karataeva jáne t.b. qatysty.
