Nursultan Nazarbaev óziniń «Bolashaqqa baǵdar: rýhani jańǵyrý» atty maqalasynda jańa jobany bastady. Onyń basty maqsaty – jetistikteriniń tarihy shabyttandyratyn, elimizdiń talantty, eńbeksúigish jáne danagói adamdary týraly aitý.
Prezident jurtshylyqtyń nazaryn Qazaqstannyń túkpir-túkpirindegi bizdiń zamandastarymyzǵa aýdarý jáne jańa mýltimedialyq alań qurýdy usyndy, sonyń arqasynda ár adam jetistik tarihymen tanysa alady. Joba birneshe kezeńnen turatyn bolady. Birinshisi bastalyp ketti. Kez kelgen niet bildirgen adam qatysa alady. Ótinim nysany 100esim.el.kz saitynda.
InEÝ-de osy jobanyń bir bóligi bolýǵa laiyqty adamdar kóp. Oqytýshylar arasynda Qazaqstanda jáne odan tysqary jerlerde belgili professorlar, ǵylym kandidattary, dotsentter bar. Olar – árdaiym bilimin jetildirip turatyn óz isiniń sheberleri. Stýdentter qatarynda áigili sportshylar – halyqaralyq jarystardyń jeńimpazdary, ýniversitetimizdiń biznes-akseleratorynan startaperler, kóptegen ǵylymi konferentsiialardyń júldegerleri.
Bizdiń oqytýshylarymyz eshqashan qol jetkizgenimen toqtap qalmaidy, al stýdentter oqýlaryn sporttyq, ǵylymi jáne shyǵarmashylyq qyzmetpen qatar alyp júrýge úlgeredi. Árkimniń óz tarihy bar, onyń árqaisysy Qazaqstandaǵy «100 jańa esim» qatarynda bola alady.
Eger sizdiń oqytýshyńyzǵa kýrstasyńyz nemese áriptesińizdiń ómirlik joly men jetistikteri sizdi jigerlendiretin bolsa ne ózińiz sondai adam bolsańyz, onda búkil elmen ózińiz jaily áńgimemen bólisýge asyǵyńyz! Qatysýdyń basty sharty – bul táýelsiz Qazaqstannyń damýyna qosqan naqty úles.
Olga Shirshina
Innovatsiialyq Eýraziia Ýniversiteti
