100% qarjylai qoldaý kórsetilgen jobalar prokattaýdan túsken túsimniń 20%-yn Ulttyq kinony qoldaý memlekettik ortalyǵyna qaitarýy tiis. Ortalyqqa qaitarylǵan qarajattyń barlyǵy jańa jobalar óndirisine baǵyttalady. Bul týraly «Ulttyq kinony qoldaý ortalyǵy» Kommertsiialyq emes aktsionerlik qoǵamynyń qyzmetine arnalǵan baspasóz konferentsiiasynda aityldy, dep habarlaidy QazAqparat.
«Ulttyq kinony qoldaý ortalyǵynyń jumysy týraly toqtalyp óteiin. Biyl qańtar aiynda qabyldanǵan kinematografiia týraly zań jobasyn ázirleý barysynda Frantsiia, Germaniia, Qytai, Resei, Ulybritaniia, AQSh, Kanada, Koreia jáne taǵy da basqa jetekshi óndirýshi elderdiń zańnamasynyń oń tájiribesi negizge alyndy», - deidi «Ulttyq kinony qoldaý ortalyǵy» KEAQ Direktorlar keńesiniń tóraǵasy Nurqisa Dáýeshov.
Onyń aitýynsha, bul zań qazaqstandyq kinematografiianyń damýyna múmkindik beredi.
«Osy zań aiasynda «Ulttyq kinony qoldaý ortalyǵy» Kommertsiialyq emes aktsionerlik qoǵamy quryldy. Ortalyqtyń maqsaty - Ulttyq filmder shyǵarýǵa baǵyttalǵan memlekettik qarajatty tiimdi bólý. Ekinshi másele, ulttyq kinony memlekettik qarjylandyrýdyń jańa modelin engizý. Zań qabyldanǵanǵa deiin barlyq kartinalar prokatty qosyp alǵanda memleket esebinen tolyq kólemde qarjylandyrylǵan bolsa, jańa zań boiynsha memleket tarapynan tolyq kólemde joǵary áleýmettik mańyzy bar filmder qarjylandyrylady. Basqa kommertsiialyq jobalar investorlar men jeke kapitaldy tartý arqyly ishinara qarjylandyrylady», - deidi ol.
Sondai-aq, tóraǵa jańa zań jobasynda memleket jumsaǵan qarajatty qaitaryp alý máselesi qaralǵanyn aitty.
«Áleýmettik mańyzy bar filmderdiń túsirilýine 100% qarjylai qoldaý kórsetilgen jobalar prokattaýdan túsken túsimniń 20%-yn Ulttyq kinony qoldaý memlekettik ortalyǵyna qaitarýy tiis. Qalǵan alýshylar qarjynyń paiyzdyq araqatynasyna sáikes kólemde qarjyny qaitaratyn bolady. Ortalyqqa qaitarylǵan qarajattyń barlyǵy jańa jobalar óndirisine baǵyttalady», - deidi Nurqisa Dáýeshov.
