Sońǵy 10 jyldyń ishinde elimizdegi balalar úileriniń sany 2,4 ese qysqardy Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Balalar úiine qatysty aitar bolsam, bul óte mańyzdy mindet. Men sońǵy 10 jylǵy derekterdi ǵana aitaiyn. Sońǵy 10 jyldyń ishinde balalar úileriniń sany 210-nan 89-ǵa qysqardy. Ózderińizde aitarlyqtai ilgerileý bar ekenin kórip otyrsyzdar. Eger 2010 jyly balalar úilerinde 14 myń bala tálim-tárbie alsa, búginde olardyń sany 4 myńnan sál ǵana asady», - dedi ministr QR Prezidenti janyndaǵy Adam quqyqtary jónindegi komissiia otyrysynda.
Onyń atap ótýinshe, bul - búkil memlekettik apparattyń azamattyq qoǵammen birge júrgizgen jumysynyń úlken nátijesi.
«Respýblikalyq málimetter bazasy quryldy. Otbasylyq balalar úii, otbasylyq úlgide tálim-tárbie berý jumys istep tur. Bala asyrap alýdy da damyta tústik. Jeke bastamalar, máselen «Ana úii» syndy institýttar balalardy balalar úiinen alyp, otbasylaryna ornalastyrady. Oslaisha, búginde bul baǵytta úlken ózgeristerdi kórip otyrmyz», - dedi Ashat Aimaǵambetov.
