10 myńǵa jýyq múmkindigi shekteýli azamatqa proaktivti formatta arnaiy memlekettik qyzmet kórsetildi, dep habarlaidy "Ult aqparat" Eńbek resýrstaryn damytý ortalyǵynyń baspasóz qyzmetine silteme jasap.
Eńbek resýrstaryn damytý ortalyǵy áleýmettik qyzmetter portaly arqyly proaktivti formatta memlekettik qyzmetti kórsetý júiesin damytýdy jalǵastyrýda.
Eske salsaq, atalmysh portal 2020 jyldyń qańtarynan bastap pilot rejiminde jumys isteidi. Búginde portalǵa múmkindigi shekteýli 580 adam jáne «qamqorshy» mártebesi bar 288 adam tirkeldi. Sondai-aq, 233 adam portal arqyly kembaǵal jandarǵa arnalǵan jeke qosalqy quraldardy aldy.
Sáýirden bastap azamattar SMS habarlama jiberý arqyly kelesi memlekettik qyzmetterdi beriledi. Múgedekterge protezdik-ortopediialyq kómek alý qujattaryn resimdeý; múgedekterdi sýrdo-tiflotehnikalyq jáne mindetti gigienalyq quraldarmen qamtamasyz etý; júrip-turýy qiyn I-shi top múgedektigi jáne estý kemistigi bar azamattar jeke kómekshiniń, ymdaý tili mamanynyń qyzmetterin alý úshin qujattardy resimdeý; múgedekterge kreslo-arbalar berý; múmkindigi shekteýli azamattardyń sanatorii-kýrorttyq emdelýge joldama alý.
«11 mamyrdaǵy málimet boiynsha, múmkindigi shekteýli azamattardan 10 myńnan astam SMS kelip tústi. Búginde portalda qoljetimdi qyzmetter tizimin keńeitý boiynsha jumys júrgizilýde. Jaqyn arada proaktivti formatta jeke kómekshini tańdaý (júrip-turýy qiyn I-shi top múgedekteri úshin), ymdaý tili mamany (estý kemistigi bar múgedekter úshin) siiaqty qyzmetter qoljetimdi bolady», delingen habarlamada.
Qazir portalda 500-ge jýyq taýar men quraldardy jetkizýshi jáne ońaltý qyzmetterin usynatyn kompaniia tirkelgen.
Aita ketsek, buryn múmkindigi shekteýli jandar qajetti qyzmetti jáne ońaltý quraldaryn memlekettik satyp alý arqyly alatyn. Azamattarǵa tenderlik protsedýralardyń uzaqtyǵynan qajetti taýardy kútýge týra keletin. Sondai-aq, kembaǵal jandar kómek alýǵa ótinim resimdeý úshin Jumyspen qamtý jáne áleýmettik baǵdarlamalar bólimderine barýǵy tiis edi.
2021 jylǵa deiin ońaltý taýarlary men qyzmetterin portal jáne memlekettik satyp alý júiesi arqyly alatyn bolady. Al, 2021 jyldan bastap avtomattandyrylǵan júiege tolyq kóshý josparlanyp otyr.
