Astanada dúkennen 14 dana telefon urlaǵan kúdikti quryqtaldy, – dep habarlaidy «Ult aqparat» Polisia.kz-ke silteme jasap.
Kúndizgi ýaqytta er adam telefon satatyn dúkendi kózdep ketip, qylmystyq oiyn túnde júzege asyrmaqshy bolǵan. “Sergek” kameralarynan jasyrynbaq bolǵan kúdikti tasjolda jorǵalap, dúkenge terezesi arqyly kirgen. Dúkenge deiin jetip jigit terezeni buzý arqyly ishke kiredi. Birneshe sekýnd ishinde ol jalpy sany 14 dana Iphone telefonynyń ártúrli modelderin iemdengen. Ol tipti soǵylǵan dabyldan da qoryqpaǵan. Kúzet firmasynyń qyzmetkerleri kelgenge deiin kúdikti syrtqa shyǵyp, qashyp úlgergen. Jalpy keltirilgen shyǵyn 10 mln teńgege baǵalanýda. Ol urlanǵan gadjetterdi Taraz qalasynda lombardqa ótkizgen, qalǵanyn elordada satyp alýshylarǵa satyp jibergen.
Jedel-izdestirý is-sharalaryn ótkizý barysynda Esil aýdany PB kriminaldyq politsiia qyzmetkerleri kúdiktini anyqtady. Ol buryn birneshe ret sottalǵan elordanyń 21 jastaǵy turǵyny bolyp shyqty.
Atalǵan fakti boiynsha qylmystyq is qozǵaldy, onyń qala aýmaǵynda jasalǵan basqa da osyǵan uqsas qylmystarǵa qatysy bar-joǵy tekserilip jatyr.
