sýret ashyq derekkózden alyndy
WhatsApp-ta jáne ózge de áleýmettik jelide qazaqstandyqtar 26 sáýirden 10 mamyrǵa deiin Internetke kire almaityny týraly habarlama tarady. Bul aqparat shyndyqqa janaspaidy, dep habarlaidy "Ult aqparat" stopfake.kz portalyna silteme jasap.
Jelini ajyratý týraly habar aldymen Pavlodar oblysynda taraǵan.
"Jańa ǵana dúkenge habarlama ákeldi. 26 sáýirden 10 mamyrǵa deiin internet múldem bolmaidy dedi. Kimde elektron kassa bolsa, kalkýliator, tarazy qoiyńyzdar. Halyqqa qolma-qol aqsha alýdy eskertińiz", - deidi aýdiodaǵy áiel.
Óńirdiń Tsifrlandyrý basqarmasy muny joqqa shyǵardy.
«Bul aqparat shyndyqqa janaspaidy. 2023 jylǵy 24 sáýirdegi jaǵdai boiynsha barlyq bailanys operatorynyń aqparattyq-telekommýnikatsiialyq infraqurylymy shtattyq rejimde jumys istep tur. Sizderdi senimdi derekkózderden alynǵan aqparatqa senýge jáne feik aqparattar taratpaýǵa shaqyramyz», – delingen habarlamada.
Demek, taralǵan aqparǵa senbegen jón. Qazaqstanda 26 sáýirden 10 mamyrǵa deiin Internetke kirýdi óshirý josparda joq.
