Astanada stendaper Ǵalym Qaliaqbarovtyń kontserti kútpegen jerden toqtady. Kesh barysynda belgisiz er adam sahnaǵa shyǵyp, is-sharanyń zańsyz ótip jatqanyn málimdegen, dep habarlaidy ult.kz.
Kórermender onyń ne sebepti zańsyz ekenin suraǵanda, er adam bastapqyda pikirtalasqa túsip, keiin stendaperdiń sahnada boǵaýyz sózder aityp jatqanyn alǵa tartqan. Alaida bul sózderge naqty dálel usynylmaǵan.
Jaǵdaidy Ǵalym Qaliaqbarov ázilge ainaldyryp, kórermenderge bilet aqshasy qaitarylmaitynyn aityp, barlyǵyn 10 kúnnen keiin qaita kezdesýge shaqyrǵan.
Al Esil aýdanynyń ákimdigi kontserttiń 19 tamyzda tiisti kelisimsiz ótkenin túsindirdi. Vedomstvo málimetinshe, is-shara uiymdastyrýshylary zań talaptaryna sáikes kontsert týraly keminde 10 kún buryn habarlama bermegen.
Osyǵan bailanysty ákimdik qyzmetkerleri alańǵa kelip, is-shara ótkizý tártibi men qaýipsizdik talaptaryn túsindirýdi josparlaǵan. Alaida olardy ǵimarat ishine kirgizbegen.
Nátijesinde kontsert uiymdastyrýshylary politsiia bólimine jetkizilip, profilaktikalyq áńgime júrgizilgen. Olarǵa buqaralyq is-sharalardy ótkizý tártibi túsindirilip, keiin bosatylǵan.
Al stendaperdiń «10 kúnnen keiin qaita kezdesemiz» degen áziliniń shyndyqqa ainalýy-ainalmasy ázirge belgisiz.
