استانادا ستەنداپەر عالىم قالياقباروۆتىڭ كونتسەرتٸ كٷتپەگەن جەردەن توقتادى. كەش بارىسىندا بەلگٸسٸز ەر ادام ساحناعا شىعىپ, ٸس-شارانىڭ زاڭسىز ٶتٸپ جاتقانىن مەلٸمدەگەن, دەپ حابارلايدى ult.kz.
كٶرەرمەندەر ونىڭ نە سەبەپتٸ زاڭسىز ەكەنٸن سۇراعاندا, ەر ادام باستاپقىدا پٸكٸرتالاسقا تٷسٸپ, كەيٸن ستەنداپەردٸڭ ساحنادا بوعاۋىز سٶزدەر ايتىپ جاتقانىن العا تارتقان. الايدا بۇل سٶزدەرگە ناقتى دەلەل ۇسىنىلماعان.
جاعدايدى عالىم قالياقباروۆ ەزٸلگە اينالدىرىپ, كٶرەرمەندەرگە بيلەت اقشاسى قايتارىلمايتىنىن ايتىپ, بارلىعىن 10 كٷننەن كەيٸن قايتا كەزدەسۋگە شاقىرعان.
ال ەسٸل اۋدانىنىڭ ەكٸمدٸگٸ كونتسەرتتٸڭ 19 تامىزدا تيٸستٸ كەلٸسٸمسٸز ٶتكەنٸن تٷسٸندٸردٸ. ۆەدومستۆو مەلٸمەتٸنشە, ٸس-شارا ۇيىمداستىرۋشىلارى زاڭ تالاپتارىنا سەيكەس كونتسەرت تۋرالى كەمٸندە 10 كٷن بۇرىن حابارلاما بەرمەگەن.
وسىعان بايلانىستى ەكٸمدٸك قىزمەتكەرلەرٸ الاڭعا كەلٸپ, ٸس-شارا ٶتكٸزۋ تەرتٸبٸ مەن قاۋٸپسٸزدٸك تالاپتارىن تٷسٸندٸرۋدٸ جوسپارلاعان. الايدا ولاردى عيمارات ٸشٸنە كٸرگٸزبەگەن.
نەتيجەسٸندە كونتسەرت ۇيىمداستىرۋشىلارى پوليتسييا بٶلٸمٸنە جەتكٸزٸلٸپ, پروفيلاكتيكالىق ەڭگٸمە جٷرگٸزٸلگەن. ولارعا بۇقارالىق ٸس-شارالاردى ٶتكٸزۋ تەرتٸبٸ تٷسٸندٸرٸلٸپ, كەيٸن بوساتىلعان.
ال ستەنداپەردٸڭ «10 كٷننەن كەيٸن قايتا كەزدەسەمٸز» دەگەن ەزٸلٸنٸڭ شىندىققا اينالۋى-اينaلماسى ەزٸرگە بەلگٸسٸز.
