Keshe Aqtaýdaǵy «Atakent» turǵyn úi kesheniniń 10-qabatynda terezeden shyǵyp, erneýinde júrgen balalardyń ata-anasy anyqtalyp, jaýapkershilikke tartyldy, dep habarlaidy QazAqparat.
Bul týraly Mańǵystaý oblystyq ishki ister departamentiniń baspasóz qyzmeti málim etti.
«Iývenaldy politsiia dereý páterge bardy. Osyndai jaǵdailardyń aldyn alý maqsatynda kámeletke tolmaǵandarmen, sondai-aq ata-analarmen profilaktikalyq áńgime júrgizdi. Ata-analar Ákimshilik quqyq buzý kodeksiniń 127-babynyń 1-bóligi boiynsha jaýapkershilikke tartyldy» delingen málimdemede.
Mańǵystaý oblysynyń politsiia departamenti qala turǵyndaryna balalardy qaraýsyz qaldyrmaýyn, olardyń qaýipsizdigin qamtamasyz etýi kerektigin eskertip otyr.
