1 jeltoqsan kúni elordanyń qoǵamdyq kólikteri qalypty rejimde jumys isteidi. Bul týraly aqparat City Transportation Systems (CTS) kompaniiasynyń Facebook-tegi resmi akkaýntynda jariialandy.
«Erteń, 1 jeltoqsanda elordanyń qoǵamdyq kólikteri qalypty rejimde jumysyn jalǵastyrady. Nur-Sultan qalasynyń bas memlekettik sanitar dárigeriniń qaýlysyna sáikes, qoǵamdyq kólikterdiń jumysyna jumys jáne senbi kúnderi ruqsat berilgen. Tek demalys kúni ǵana tyiym salynǵan. Turǵyndardan sanitarlyq normalardy saqtaýdy ótinemiz. Avtobýsqa maskasyz kirýge tyiym salynǵan. Jolaqysyn tóleý qolma-qol aqshasyz júrgiziledi», - delingen kompaniia taratqan aqparatta.
Sondai-aq eske salaiyq, meiram kúnderi elordanyń saýda, oiyn-saýyq ortalyqtary men saýda úileri jumys isteidi. Bul nysandarǵa senbi kúni de jumys isteýge ruqsat bar. Elordanyń bas sanitar dárigeriniń jańa qaýlysyna sáikes, saýda úileri, saýda, oiyn-saýyq ortalyqtary senbide saǵat 09:00-den 20:00-ge deiin ashyq bolady. Jeksenbi kúni olardyń jumys isteýine tyiym saqtalady. Kelýshiler maska taǵýy, áleýmettik qashyqtyqty saqtaýy, termometriiadan ótip, antiseptikter men sanitaizer qoldanýǵa mindetti.
