«AlmatyEnergoSbyt» JShS tutynýshylardyń elektr energiiasyna bir teńge qaryzy bolsa, jaryqtan ajyratylady degen aqparatqa túsinik berdi, dep habarlaidy "Ult aqparat".
2020 jyldyń 24 aqpanynda QR Energetika ministriniń keibir buiryqtaryna ózgerister men tolyqtyrýlar engizý týraly» QR Energetika ministriniń №43 buiryǵy kúshine endi, onda elektr energiiasyn paidalaný erejelerine qatysty túzetýler bekitildi.
Kompaniia baspasóz qyzmetiniń habarlaýynsha, elektr energiiasy úshin tólemdi ýaqtyly tólep otyrǵan tutynýshylar jaryqtan ajyratylmaidy. Sonymen qatar, qaryzy barlarǵa mindetti túrde bereshegi týraly habarlama jiberiledi. Tek sodan keiin ǵana jaryq berý toqtatylady.
«AlmatyEnergoSbyt» JShS qalyptasqan qaryzy bar tutynýshylarǵa eskertýdi telefon qońyraýlary men habarlamalar arqyly jáne sotqa deiingi shaǵymdar boiynsha jetkizedi. Belgilengen ýaqytta tólem jasalmasa, tutynýshy elektr qýatynan ajyratylady. Eger odan keiin de tólemese onda talap kúsheitiledi. Iaǵni, sot sheshimimen elden shyǵýǵa tyiym salynyp, múlki tárkilenedi, banktik shottary buǵattalady. Sonymen qatar, notarialdyq jáne sot shyǵyndaryn tutynýshy tóleitin bolady», dep habarlaidy kompaniianyń baspasóz qyzmeti.
Sondai-aq, sóndirilgen jaǵdaida qaita qosylý quny páterde turatyn jeke tulǵalar úshin 6 730 teńge, jeke úide turatyn tulǵalarǵa - 10 115 teńge, zańdy tulǵalarǵa – 11 606 teńge.
Buǵan deiin Qazaqstanda bir teńge qaryzy úshin elektr energiiasynan ajyratylatyny týraly habarlanǵan bolatyn.
