Foto: ashyq derekkóz
Búgin, 1 tamyzda Qazaqstannyń birneshe óńirinde qolaisyz aýa raiy kútiledi. Qazgidromettiń málimetinshe, naizaǵai, burshaq, daýyl jáne jel ekpini kúsheiip, keibir oblystarda qatty ystyq pen órt qaýpi saqtalady, dep habarlaidy Ult.kz.
Aqmola, Soltústik Qazaqstan, Qostanai, Pavlodar, Qaraǵandy, Ulytaý, Shyǵys Qazaqstan jáne Abai oblystarynda kúndiz naizaǵai, burshaq, qatty jańbyr jáne daýyl kútiledi. Kei óńirlerde túnde tuman túsedi. Jeldiń ekpini 20 m/s-qa deiin jetedi.
Qyzylorda oblysynda kúndiz qatty jańbyr jaýyp, burshaq pen shańdy daýyl kútiledi. Jeldiń jyldamdyǵy 20 m/s-qa jetýi yqtimal. Qyzylorda qalasynda da túnde jáne tańerteń naizaǵai, daýyl men shańdy daýyl bolady.
Almaty, Jetisý, Jambyl jáne Túrkistan oblystarynyń taýly jáne ońtústik aýdandarynda naizaǵai, burshaq jáne qatty jel bolady. Almaty men Atyraý oblystarynda kún 35–38°S-qa deiin ysidy. Aqtaý men Qonaev qalalarynda tótenshe órt qaýpi saqtalady.
Atyraý, Mańǵystaý, Batys Qazaqstan oblystarynda aptap ystyq kútiledi. Temperatýra 36–38 gradýsqa deiin kóteriledi.
Astana, Shymkent, Taraz, Túrkistan, Petropavl, Kókshetaý, Qaraǵandy, Pavlodar, Óskemen jáne Semei qalalarynda burshaq pen naizaǵai bolý yqtimaldyǵy joǵary. Jel ekpini 15–23 m/s-qa jetýi múmkin.
Sinoptikter turǵyndardy aýa raiynyń qubylmaly bolýyna bailanysty saqtyq sharalaryn qatań saqtaýǵa shaqyrady.
