Birinshi synypqa qujattardy qabyldaý 20 tamyzǵa deiin uzartyldy. Bul týraly "Ult aqparat" Bilim jáne ǵylym ministrligine silteme jasap habarlaidy.
Elimizde karantindik rejimniń uzartylýyna bailanysty QR Bilim jáne ǵylym ministrligi birinshi synypqa qujattardy qabyldaý merzimin 20 tamyzǵa deiin uzartady. Búgingi kúni 350 myńǵa jýyq ótinish tústi. Olardyń basym kópshiligi egov.kz «elektrondyq úkimet» portaly arqyly qabyldandy.
Meditsinalyq anyqtamalardy alý kezindegi qiyndyqtarǵa bailanysty bilim berý uiymdaryna qujattar tapsyrý kezinde olardy usynbaýǵa ýaqytsha ruqsat etiledi. Meditsinalyq anyqtamalardy múmkindik bolǵan kezde tapsyrýǵa bolady.
Bastaýysh synyp oqýshylarynyń ata-analarynyń jazbasha ótinishi boiynsha, bilim berý uiymynda jaǵdai bolsa, birinshi toqsanda qatań sanitarlyq sharalardy saqtai otyryp, kezekshi synyptardyń jumys isteýi uiymdastyrylady.
Eske salsaq, 1-synypqa qujattardy qabyldaý 1 tamyzǵa deiin jalǵasatyndyǵy týraly buǵan deiin habarlaǵan bolatynbyz.
