1 sáýirden bastap temeki ónimderi men temeki almastyrǵyshtardyń barlyq túrleri úshin tsifrlyq tańbalaý mindetti. Bul týraly "Ult aqparat" Memlekettik kirister komitetine silteme jasap habarlaidy.
Budan bylai óndirýshiler men importtaýshylar sigaretterdi ǵana emes, sigaralardy, sigarillalardy, kalian temekisin jáne tipti elektrondyq sigaretterge arnalǵan stikterdi de Data Matrix kodymen tańbalaýy tiis.
Osy toptardyń tańbalanbaǵan taýarlarynyń qaldyqtary 2022 jylǵy 1 sáýirge deiin satylýy múmkin. Bul norma «Tańbalaýǵa jatatyn taýarlardyń tizbesin aiqyndaý týraly» QR Úkimetiniń 2020 jylǵy 10 qyrkúiektegi №568 qaýlysymen retteledi.
Qazaqstanda balamaly temeki ónimderiniń segmenti negizinen (jalpy kólemniń 90%-ten astamy) elektrondyq sigaretterge arnalǵan stiktermen usynylǵan. Bul toptyń negizgi importtaýshylary Filip Morris Qazaqstan i British Amerikan Tobakko Qazaqstan kompaniialary bolyp tabylady.
Sigaralar men sigarillalardy Qazaqstan naryǵyna jetkizýshilerdiń aiasy keńirek, sondyqtan olar úshin stiketteý jáne zattańbalaý siiaqty tsifrlyq tańbalaýdyń qosymsha tásilderi aiqyndaldy. Olar tańbalaý jabdyqtaryna kúrdeli shyǵyndardy talap etpeidi.
