1 sáýirden bastap jylý elektr stantsiialarynyń shekti tarifteri ortasha eseppen 15 protsentke kóteriledi. Osydan keiin elektr energiiasyn halyqqa jetkizetin kompaniialardyń shekti tarifteri qaita qaralady. Bul týraly energetika vitse-ministri Qairat Rahymov málim etti, dep habarlaidy Sputnik Qazaqstan.
"Buǵan deiin energiia óndiretin 45 kompaniianyń 37-si shekti tarifti kóterýge ótinish bergen bolatyn. Basynda olar 36 protsentke kóterýdi suraǵan. Jarty jyldan astam ýaqyt boiy barlyq ótinish zerdelendi, esepteýler de jasaldy. Arnaiy buiryq ázirlendi. 1 sáýirden bastap jylý elektr stantsiialarynyń shekti tarifteri ortasha eseppen 15 protsentke kóteriledi", - dedi Rahymov ortalyq kommýnikatsiialar qyzmetinde ótken onlain brifingte.
Vitse-ministrdiń aitýynsha, búginde elektr energiiasyn óndirýshi kompaniialardyń shyǵyndary kóbeidi. Injenerlik jeliler tozdy, salyq kólemi de artyp otyr. Jumysshylardyń jalaqysyn kóterý kerek. Al energiia óndiretin kompaniialardyń shekti tarifteri kóterilgennen keiin sol energiiany halyqqa jetkizetin kásiporyndardyń shekti tarifteri qaita qaralady. Bul másele ulttyq ekonomika ministrliginiń quzyretine kiredi. Onymen tabiǵi monopoliialardy retteý komiteti ainalysady.
"Tutynýshylarǵa qatysty tarifterdi retteý máselesi basqa ýákiletti organnyń quzyretine kiredi. Sondyqtan ol týraly eshteńe aita almaimyn. Biraq energiia óndiretin uiymdardyń tarifteri kóterilgennen keiin basqa kásiporyndardyń qyzmet aqysy kóterilýi múmkin. Biraq sý bolsyn, jylý bolsyn, energiia bolsyn, árbir jetkizýshi kompaniianyń tarifteri jeke-dara qaralady", - dep atap kórsetti Rahymov.
Olardyń elektr energiiasyna ketetin shyǵyndarynyń kólemi eskeriledi.
