Dúniejúzilik azamattyq qorǵanys kúni sheńberinde 1 naýryz saǵat 9.00-den 12.00-ge deiin azamattyq qorǵaýdyń qulaqtandyrý júiesine respýblikalyq tekserý júrgiziledi, - dep habarlaidy Tótenshe jaǵdailar ministrliginiń baspasóz qyzmeti.
"Halyqty qulaqtandyrý jáne habardar etý - turǵyndardy tabiǵi qubylystardyń ártúrli faktorlarynyń áserinen bolatyn apattyń nemese joiqyn áserdiń teris saldarynan qorǵaýǵa múmkindik beretin negizgi qaýipsizdik sharasy.
Qulaqtandyrý júiesin tekserý barysynda elektr dabyldaryn jáne sirenalyq-sóileý qurylǵylaryn (daýys zoraitqyshtardy) qysqa merzimge qosý, sondai-aq teledidar jáne radioarnalarynyń efirin ustap alýdy júzege asyrý, internet-resýrstar men mobildi qosymshalarda aqparatty ornalastyrý kózdeledi", - delingen habarlamada.
"Barshanyń nazaryna!!!" dybystyq signaly - bul qaýip tóngen nemese tótenshe jaǵdai týyndaǵan kezde barlyq shuǵyl habarlamalardy berýdiń aldynda halyqtyń nazaryn aýdarý úshin beriletin eskertý signaly.
