Tumaýǵa qarsy vaktsinany 1 million qazaqstandyq aldy. Bul týraly QR Densaýlyq saqtaý vitse-ministri Ajar Ǵiniiat málim etti, dep habarlaidy "Ult aqparat".
«Aǵymdaǵy jyldyń tamyz-qyrkúiek aiynda JRVI-men tirkelgenderdiń sany ótken jylmen salystyrǵanda 25% tómendedi. Osy virýstyq infektsiialardyń aldyn alý úshin tiisti sharalar qabyldanýda. Alǵashqy meditsinalyq-sanitarlyq kómek kórsetetin uiymdar daiyndalýda. Búgingi kúni búkil el boiynsha 1955 mekeme, sonyń ishinde 577 emhana jumys isteidi. Olardyń ishinde 12 300 ýchaski bar. Emhanalarda meditsinalyq qyzmetkerler men patsientterdiń sanitarlyq-gigienalyq talaptardy oryndaýy úshin jaǵdai jasalýda», - dedi A. Ǵiniiat Ortalyq kommýnikatsiialar qyzmetinde
Onyń sózine qaraǵanda, ambýlatoriialyq-emhanalyq naýqastardyń tynys alý jetispeýshiligin erte anyqtaý úshin ár ýchaski, ár emhanalarǵa 25 myń impýlstik oksimetr satyp alyndy.
«3 640 mobildik top qaýip tobyna qyzmet etýde. Qajet bolǵan jaǵdaida mobildik toptyń quramy kóbeitiledi. Josparlanǵan naýqastardy qabyldaý aldyn ala jazylý arqyly júzege asyrylýda. Sonymen qatar, keńes berýge Call-ortalyqtar jumys isteidi», - dedi vitse-ministr.
Budan bólek ol tumaýdyń aldyn alý úshin asqyný qaýpi joǵary deńgeidegi adamdarǵa vaktsinatsiia jasalyp jatqanyn eske saldy. Bul baǵytta 2 mln 200 doza satyp alyndy. Qazirgi ýaqytta 1 milliondai adamǵa josparly ekpe jasaý júrgizilip jatyr.
«220 myń júkti áieldiń 49 myńǵa jýyǵy (22%) vaktsinatsiiadan ótti. Kem degende júkti áielderdiń 40% egý josparlanǵan», - dedi Ajar Ǵiniiat.
