Ótken demalys jáne mereke kúnderi qutqarýshylar elimizdiń sý aidyndarynda 40 adamdy qutqardy, dep habarlaidy "Ult aqparat" Tótenshe jaǵdailar ministrligine silteme jasap.
Ótken demalys jáne mereke kúnderi qutqarýshylar elimizdiń sý aidyndarynda 40 adamdy, onyń ishinde 11 balany qutqardy . 54 adam , onyń ishinde 17 bala sýǵa batyp qaitys boldy .
Qaiǵyly oqiǵalardyń eń kóp bóligi Almaty (9), Aqmola (8) Qaraǵandy (7) jáne Batys Qazaqstan (6) oblystarynda oryn aldy.
Sýǵa shomylý kezeńiniń basynan (1 maýsymnan) bastap óz kúshin durys baǵalamaý, alkogoldik mas kúide sýǵa shomylý, shomylýǵa tyiym salynǵan jerlerde, balalardy úlkenderdiń qaraýynsyz qaldyrý kezinde sý aidyndarynda 149 adam, onyń ishinde 52 bala sýǵa batyp qaitys boldy.
Sýǵa batqandardyń eń kóbi Almaty (19), Túrkistan (16), Shyǵys Qazaqstan (15) jáne Aqmola (14) oblystarynda tirkelgen.
Sýǵa shomylý kezeńi bastalǵannan beri sý aidyndarynda 111 adam, onyń ishinde 23 bala qutqaryldy.
Sý aidyndarynda adamdardyń qaza bolýyna jol bermeý maqsatynda azamattyq qorǵaý organdarynyń qyzmetkerleri aldyn alý jumystaryn júrgizedi.
Osylaisha, halyq arasynda 407 myńnan astam úgit-nasihat ónimi (býkletter, paraqshalar) taratyldy, Halyqpen 2 myńǵa jýyq jiyn ótkizildi.
Sondai-aq profilaktikalyq jumysqa 5600-ge jýyq volonter tartyldy.
Qutqarýshylar men politseiler qoǵamdyq oryndardaǵy tártip erejelerin buzýshylardy jáne sý aidyndaryndaǵy qaýipsizdikti anyqtaý boiynsha birlesken reidter men patrýldeý jumystaryn júrgizedi.
TJM azamattardy sý aidynyndaǵy qaýipsizdik erejelerin saqtaýǵa shaqyrady:
- sýǵa kirýge jáne alkogoldik jáne esirtkilik mas kúiinde shomylýǵa;
- qaiyqtardan, katerlerden, ailaqtardan, sondai-aq osy maqsattarǵa beiimdelmegen qurylystardan sýǵa sekirýge;
- tekserilmegen jáne jabdyqtalmaǵan jerlerde súńgý;
- júzýdiń shekarasyn belgileitin aýmaqtan tys júzý;
- júzýge arnalmaǵan zattarmen júzýge;
- balalarǵa eresekterdiń qaraýynsyz sýǵa kirýge tyiym salynady.
Ár adam qaýipti jerlerdi jáne shomylatyn sý qoimasynyń erekshelikterin bilýi kerek, óitkeni jabdyqtalmaǵan jerlerde tastar, sý basqan bóreneler, temir kesekteri, shyny jáne basqa zattar bolýy múmkin.
