1 maýsymnan bastap 1,5 million adamnyń jalaqysy kóteriledi. Bul týraly búgin Úkimet úiindegi baspasóz máslihatynda QR Premer-Ministriniń orynbasary - Qarjy ministri Álihan Smaiylov aitty, dep habarlaidy "Ult aqparat".
«Taiaýda Qazaqstan Prezidenti Qasym-Jomart Toqaev jalaqyny kóterý merzimin aǵymdaǵy jyldyń 1 shildesinen 1 maýsymǵa jyljytý týraly tapsyrma bergen bolatyn. Iaǵni, bir aiǵa alǵa jyljyp otyr», - dedi ministr.
Onyń atap ótýinshe, osyǵan orai atalǵ an maqsatqa qosymsha 37,8 mlrd teńge baǵyttaý josparlanǵan.
«Alýshylar kontingentiniń aiasy burynǵysha, iaǵni 1,5 mln adam. Bilim berý salasynda - balabaqsha tárbieshileri, olardyń kómekshileri, kolledj oqytýshylary, muǵalimder, ádiskerler, psihologtar jáne basqa da jumysshylar. Densaýlyq saqtaý salasynda - dárigerler, orta jáne kishi meditsinalyq qyzmetkerler, medbikeler, laboranttar, sanitarlar, jumysshylar, júrgizýshiler jáne basqalary. Áleýmettik salada, mádeniet pen sportta, aýyl sharýashylyǵynda jáne basqa da salalarda - azamattyq qyzmetshiler, ákimshilik jáne tehnikalyq qyzmetkerler, jumysshylar, sonymen qatar orta jáne tómen býyndaǵy oblystyq, aýdandyq jáne aýyldyq deńgeidegi memlekettik qyzmetshiler», - dedi ol.
Osy oraida ministr shyǵys kóleminiń ózgerýine qatysty usynystar Memleket basshysynyń kelisimine jiberilgendigin aitty.
«Bul 37,8 mlrd teńgeni quraidy jáne Memleket basshysynyń kelisimine jiberildi. Sodan keiin taiaý kúnderi atalǵan soma 2019 jylǵa arnalǵan naqtylanǵan biýdjette qabyldanýy úshin Parlamentke jiberiledi. Biýdjet qazirgi ýaqytta Parlament qaraýynda jatyr», - dedi Á.Smaiylov.
