Memlekettik qýyrshaq teatry 3-28 mamyr kúnderi aralyǵynda 1 maýsym – Halyqaralyq balalardy qorǵaý kúnine orai oqýshylarǵa arnalǵan, búldirshinderdiń shyǵarmashylyqqa, beineleý ónerine, sonymen qatar qýyrshaq teatryna degen qyzyǵýshylyqtaryn arttyrýǵa baǵyttalǵan «Men baqytty balamyn» taqyrybynda onlain formatta kórkem sýret baiqaýyn uiymdastyrdy. Atalmysh baiqaýǵa Almaty qalasy ǵana emes, ózge de óńirlerdiń mektepke deiingi mekemeler men jalpy bilim beretin orta mekteptterden júzge jýyq úmitker saiysqa tústi. Teatrdyń kórkemdik múshelerinen qurylǵan arnaiy sarapshylar sheshimimen baiqaýǵa qatysýshylardyń jas ereksheligi, taqyrypty ashýy, sýret salý tehnikasy, sýretshilik qabileti jan-jaqty talqylanyp, jeńimpazdar anyqtaldy.
Nátijesinde sarapshylar uiǵarymymen I dárejeli diplomǵa Almaty qalasy №207 mektep-litseiiniń 6 synyp oqýshy Baqbergen Úmit, II dárejeli diplomǵa Almaty qalasy S.Seifýllin atyndaǵy №2 mekteptiń 3 synyp oqýshysy Áýezbai Qýanysh, «Baldyrǵan» mektepke deiingi uiymynyń tárbielenýshisi Serikbol Islam, III dárejeli diplomǵa Almaty qalasy №109 jalpy bilim beretin mekteptiń 7 synyp oqýshysy Qanatbekqyzy Aqerke, Almaty №57 mekteptiń 4 synyp oqýshysy Nesterkina Ýliana, Almaty Oqýshylar saraiynyń shákirti Talǵatqyzy Toǵjan laiyqty dep tanyldy.
Sonymen qatar, erekshe qabiletterimen kózge túsken qatysýshylar Asanova Aizere, Erpan Ýmar, Qadyrbai Baljan, Qanapiianova Jansaia, Tokobaeva Gýlbarchyn, Kapas Ailin, Muhtar Raiiana, Ámze Janiia, Serikbai Diiar, Nurymbetova Daniia, Tokobaev Nurislam yntalandyrý júldelerine ie boldy.
Merekege orai, Medeý aýdandyq «Baqytty otbasy», «MIR», «Biik beleske baǵyt», «Aiaýly halyq», «Januia» qoǵamdyq ortalyqtarynyń áleýmettik jaǵdailary tómen, az qamtylǵan, kópbalaly otbasylary balalaryna, sonymen qatar múmkindikteri shekteýli balalaryna «Baqytty balalyq shaq» oiyn-saýyq baǵdarlamasy jáne «Este saqta, balaqai!» aqparattyq-tanymdyq qoiylymy qairymdylyq negizde usynyldy.
Jeńimpazdarǵa teatr ákimshiligi atynan arnaiy diplomdar, estelik syilyqtarmen qatar, teatrymyzdyń qazynaly qoiylymdaryna, Qazaq Memlekettik Tsirki, Almaty Haiýanattar baǵy sonymen qatar, «Jas qanat» jas oryndaýshylar gala-kontsertine tegin joldamalar, «Dizzy» kompaniiasynyń «Riksamin C Vitamin» sýsyndary tabystaldy.
Madina TÓLE
