Ulttyq ekonomika ministrligi Tabiǵi monopoliialardy retteý komiteti tóraǵasynyń mindetin atqarýshy Ashat Japsarbai 1 qyrkúiekten bastap qai óńirlerde elektr tarifi ósýi múmkin ekenin atady, dep habarlaidy QazAqparat.
«Búginde Tabiǵi monopoliialar komitetiniń aýmaqtyq departamentterinde jyl energiiasyn óndirý, berý jáne jabdyqtaý, sýmen qamsyzdandyrý siiaqty retteletin qyzmet túrlerine tarif kóterý týraly ótinimder jatyr. Bul tarifterdi qazir Qostanai, Soltústik Qazaqstan jáne Aqtóbe oblystarynda 2021 jyldyń 1 qyrkúieginen bastap ózgertý qarastylyrylyp jatyr. Biraq biz halyqtyń qaltasyna túsetin salmaqty barynsha tejep, azaitamyz. Halyq úshin tarif kóterilmeidi dep úmittenemiz», - dedi Ashat Japsarbai ortalyq kommýnikatsiialar qyzmetinde ótken brifingide.
Munyń aldynda komitet basshysy 1 qyrkúiekten bastap birneshe óńirde tutynýshylar úshin elektr qýatynyń tarifi qymbattaityn aitqan bolatyn.
«Tarif shamamen 1 qyrkúiekten bastap kóteriledi. Elektr óndirýshileri úshin tarif 1 sáýirden bastap kóterilgen bolatyn. 1 shildede tarifterdiń bir bóligin kóterdik. Baiandamada 7 paiyz dep aitqanym osy bolatyn. 1 qyrkúiekten bastap tarif kóterilip úlgermegen óńirlerde ózgeris bolady. Sonda respýblika boiynsha orta eseppen 3,5 paiyz paiyz bolýy kerek», - degen Ashat Japsarbai.
