COVID-19 taralýyna jol bermeý jónindegi vedomstvoaralyq komissiianyń Telegram-kanalynda jańa oqý jyly aldynda bala immýnitetin qalai kóterýge bolatyny jóninde keńester jariialandy, dep habarlaidy "Ult aqparat".
Mektep – bul fizikalyq jáne psihologiialyq turǵydan bala úshin aýyr júkteme. Mekteptegi balalar únemi ózara bailanysta bolady. Osylaisha bir-birine túrli aýrýlardy juqtyrýy ábden yqtimal. Immýnitet olardy jeńýge kómektesedi, biraq barlyq balalarda ol aýrýlarǵa qarsy turý úshin jetkilikti damymaǵan bolýy múmkin.
DURYS UIQY
Kóptegen bala erte uiyqtaýdy unatpaidy, uzaq serýendeýdi nemese kompiýterde oinaýdy jón kóredi. Biraq osyǵan qaramastan, tańerteń mektepke barýdy ysyryp qoiýǵa bolmaidy. Osydan baryp kóp balalardyń uiqysy buzylady, qanbaidy. Al, bul óz kezeginde immýnitetttiń damýyna da, oqý qabiletine de teris áser etedi. Mektep jasyndaǵy bala shamamen 8 saǵat uiyqtaýy kerek.
DURYS TAMAQTANÝ
Durys tamaqtaný kez kelgen jasta paidaly. Alaida, bala úshin bul óte mańyzdy. Balalardyń dietasy teńdestirilgen bolýy kerek, ziiandy, biraq dámdi taǵamdardyń sany az bolǵany durys. Jańa pisken kókónister men jemisterdi kóbirek tutyný, al et ónimderin qýyrýǵa emes, býmen pisirýge keńes beremiz.
VITAMINDER KEShENI
Vitaminder keshenin qabyldaý da mańyzdy. Sebebi kúz – bul jyldyń eń qaýipti ýaqyty. Immýnitettiń tómendeýiniń negizgi sebepteriniń biri – denede dárýmenderdiń jetispeýi. Olardy tamaqtan alýǵa bolady. Qysta tutynylatyn kókónisterdiń sany kúrt tómendeidi, bul aǵzaǵa dárýmenderdiń túsýin azaitady. Muny jeńýge ártúrli vitaminder kesheni kómektesedi.
PSIHIKALYQ JÚKTEMENI AZAITÝ
Psihikadaǵy kez kelgen júkteme densaýlyqqa áser etedi. Balalar úshin bul ásirese ózekti. Kóbinese densaýlyqqa qatysty problemalar mańyzdy is-sharalar aldynda paida bolýy múmkin. Sondyqtan balańyzdy ne mazalaitynyn surańyz jáne onyń problemalaryn muqiiat sheshýge tyrysyńyz.
TAZA AÝADAǴY SERÝEN
Taza aýada jii serýendeýge keńes beremiz. Óitkeni bala densaýlyǵy úshin tabiǵatta serýendeýdiń paidasy zor. Úide, mektepte jáne basqa da synyptan tys jumystardy oryndaý úshin jabyq úi-jaida únemi bolý balaǵa jetkilikti taza aýa bermeidi. Adamdar lyq tolǵan bólmelerde aýada kóptegen patogendik bakteriialar jinalady. Sondai-aq, uiyqtar aldynda bólmeni jeldetýdi umytpańyz.
TAZA SÝ
Mektep jasyndaǵy balaǵa kúnine 1,5-2 litr taza sý qajet. Paidaly dep sanalatyn ártúrli sýsyndar deneniń sýǵa degen qajettiligin ótei almaidy. Sondyqtan sý taza, gazdalmaǵan, qantsyz bolýy kerek. Tańǵy as aldynda jáne keshke, uiyqtar aldynda bir staqan sý ishý óte mańyzdy.
DENE ShYNYQTYRÝ
Deneni shynyqtyrý, kontrastili dýsh balanyń aǵzasyn saýyqtyrady. Sý protsedýralaryn merzimimen oryndaý bala aǵzasyna oń áser etetinin umytpańyz. Balańyzdyń deni saý bolsyn!
