QazAvtoJol kompaniiasy jauynda paidalanýǵa berýge daiyn aqyly ýchaskeler týraly jariialady, dep habarlaidy QazAqparat.
«Búgingi tańda «Nur-Sultan - Pavlodar», «Shymkent - Ózbekstan shekarasy» (Tashkent), «Shýchinsk - Kókshetaý», «Qapshaǵai - Taldyqorǵan», «Shymkent - Taraz», «Taraz – Qainar», «Shymkent – Qyzylorda» ýchaskeleri aqyly joldardyń qataryna qosylýǵa daiyn. Bul ýchaskeler barlyq qajetti quraldarmen jabdyqtalǵan. Atalǵan ýchaskelerdi paidalanýǵa berý týraly buiryqtardyń jobalary memlekettik organdardyń kelisýinde», - delingen kompaniia málimetinde.
Bul 1 sanattaǵy jol ýchaskelerinde aqyly joldy engizý 2021 jyldyń 1 qazan aiynan testilik rejimde, 2021 jyldyń 1 qarashasynan bastap naqty paidalanýǵa beriledi.
«Aqyly ýchaskeler boiynsha júrip ótý úshin tólemaqy mólsherlemeleri 2013 jyly «Nur-Sultan – Shýchinsk» birinshi aqyly ýchaske engizilgennen beri ózgergen joq jáne ol sol qalpynda qalady. II sanattaǵy jol qozǵalysy úshin tólemaqy tarifin tómendetý josparda bar. Atalǵan másele memlekettik organdardyń kelisýinde», - dep atalyp ótken habarlamada.
