"Qazavtojol" ulttyq kompaniiasy paidalanýǵa berýge daiyn avtokólik ýchaskelerin atady, dep habarlaidy Sputnik Qazaqstan.
Resmi aqparatqa sáikes, qazir Nursultan – Pavlodar, Shymkent – Ózbekstan shekarasy (Tashkentte), Shýchinsk – Kókshetaý ýchaskeleri aqyly joldardyń qataryna qosylýǵa daiyn.
Bul ýchaskeler barlyq qajetti quralmen jabdyqtalǵan. Al Qapshaǵai – Taldyqorǵan, Shymkent – Taraz, Taraz – Qainar, Shymkent – Qyzylorda ýchaskesin paidalanýǵa berý týraly buiryqtyń jobasy memlekettik organdarǵa kelisim berýi úshin joldanǵan.
"Bul 1 sanattaǵy jol ýchaskelerinde aqyly joldy engizý 2021 jyldyń 1 qazanynan test rejiminde, 2021 jyldyń 1 qarashasynan bastap naqty paidalanýǵa beriledi", - dep naqtylady komitet.
Vedomstvonyń habarlaýynsha, aqyly ýchaskeler boiynsha júrip ótý úshin tólemaqy mólsheri 2013 jyly Nur-Sultan – Shýchinsk birinshi aqyly ýchaske engizilgennen beri ózgergen joq jáne ol sol qalpynda qalady.
II sanattaǵy jol qozǵalysy úshin tólemaqy tarifin tómendetý josparda bar.
