2023 jyldyń 1 qańtarynan bastap eń tómengi jalaqy 70 myń teńge bolady, dep habarlaidy QazAqparat agenttigi.
Májilis depýtattarynyń saýalyna jaýap bergen Premer-Ministr Álihan Smaiylov biyl respýblikadaǵy eń tómengi jalaqy 60 myń teńgege jetkenin atap ótedi.
«Bul 1,7 mln jaldamaly jumysshynyń aqshalai kirisiniń artýyna oń yqpalyn tigizgen bolatyn. Osy jyly áleýmettik tólemderge eki márte indeksatsiia jasalyp, 4,1 mln adam qamtyldy. Onyń ishinde 2,2 mln zeinetker bar.
2023 jyldyń 1 qańtarynan bastap eń tómengi jalaqy mólsheri 70 myń teńgege deiin qosymsha arttyrylatyn bolady», - dedi Úkimet basshysy jaýabynda.
