2019 jyldyń 1 qańtarynan bastap densaýlyq saqtaý salasynda qyzmet etetin 191 myń mamannyń jalaqysy kóteriletin bolady, dep habarlaidy "Ult aqparat" DSM baspasóz qyzmetine silteme jasap habarlaidy.
QR Densaýlyq saqtaý ministrligi Memleket basshysynyń biylǵy Joldaýyn iske asyrý sheńberinde barlyq memlekettik uiymdarda uiymdastyrýshylyq-quqyqtyq nysanǵa qaramastan densaýlyq saqtaý júiesindegi eńbekaqysy az laýazym sanatyndaǵy 191 myń jumysshynyń jalaqysyn 2019 jyldyń 1 qańtarynan bastap kóteredi.
Densaýlyq saqtaý júiesiniń jumysshylaryna jalaqyny kóterýge arnalǵan shyǵystarǵa qajettilik (eńbekaqysy az laýazym sanattary) - 27,2 mlrd teńgeni quraidy, onyń ishinde 25,8 mlrd teńge «Áleýmettik meditsinalyq saqtandyrý qory» KEAQ tegin meditsinalyq kómektiń kepildik berilgen kólemin kórsetýge arnalǵan sharttar sheńberinde meditsinalyq qyzmetterdiń barlyq túrlerine belgilengen biryńǵai tarifter boiynsha qarjylandyrylatyn uiymdastyrýshylyq-quqyqtyq nysany memlekettik qazynalyq kásiporyndar men sharýashylyq júrgizý quqyǵyndaǵy kásiporyndar boiynsha.
2019 jyldyń 1 qańtarynan bastap jalaqyny kóterýge qarjylandyrý «Tegin meditsinalyq kómektiń kepildik berilgen kólemi sheńberinde jáne mindetti áleýmettik meditsinalyq saqtandyrý júiesinde kórsetiletin meditsinalyq qyzmetterge tarifterdi bekitý týraly» QR Densaýlyq saqtaý ministrliginiń 2018 jyldyń 5 qyrkúiegindegi № QR DSM-10 buiryǵyna ózgerister engizý arqyly meditsinalyq qyzmetterdiń barlyq túrlerine arnalǵan tarifterdi ulǵaitý arqyly kózdelgen.
Meditsinalyq qyzmetterge arnalǵan bekitilgen tarifterdiń negizinde «Áleýmettik meditsinalyq saqtandyrý qory» KEAQ meditsinalyq uiymdarmen 2019 jylǵa densaýlyq saqtaý salasynyń eńbekaqysy az jumysshylar sanattarynyń jalaqysyn kóterýge shyǵystardy óteý boiynsha mindettemelerdi mindetti túrde qosa otyryp, kelisimder jasalatyn bolady.
Eńbekaqysy az laýazym sanattaryna jalaqyny tóleý monitoringisi «Áleýmettik meditsinalyq saqtandyrý qory» KEAQ jasalǵan kelisimderdiń sharttaryna sáikes júrgizetin bolady.
