جەلٸدە جىلقىشى راحات سەرسەنوۆتىڭ ۆيدەوسى تارادى, دەپ حابارلايدى ult.kz.
«راحات اتامىزدى ساعىنىپ جٷرگەن جاندارعا بٸر ۆيدەو سالىپ قويايىق. اتامىز امان, كٶڭٸل-كٷيٸ جاقسى. سٸزدەردٸڭ ىستىق ىقىلاستارىڭىز بەن اق تٸلەكتەرٸڭٸزدٸ سەزٸنٸپ جٷر. as_nur_dent ستوماتولوگيياسى اتامىزعا ارنايى پروتەز دايىنداپ جاتىر. بۇيىرسا, جاقىندا جاڭا تٸستەرٸ دايىن بولادى», - دەپ جازدى جەلٸ قولدانۋشىسى.
ايتا كەتەيٸك, اقتٶبە وبلىسىنىڭ مۇعالجار اۋدانىندا 100 جىلقىنى يەمدەندٸ دەگەن ايىپپەن 7 جىلعا سوتتالعان 60 جاستاعى جىلقىشى راحات سەرسەنوۆ اپەللياتسييالىق سوت شەشٸمٸمەن بوستاندىققا شىقتى.
راحات سەرسەنوۆ 1993 جىلدان بەرٸ جەرگٸلٸكتٸ شارۋانىڭ جىلقىسىن باعىپ كەلگەن. بيىل مامىردا مۇعالجار اۋداندىق سوتى ونى سەنٸپ تاپسىرىلعان بٶتەن مٷلٸكتٸ يەمدەندٸ دەگەن ايىپپەن 7 جىلعا باس بوستاندىعىنان ايىرعان. سونىمەن قاتار جەبٸرلەنۋشٸ تاراپتىڭ شامامەن 30 ميلليون تەڭگە كٶلەمٸندەگٸ ازاماتتىق تالابى قاناعاتتاندىرىلعان.
الايدا سوتتالۋشى تاراپ ٷكٸمگە شاعىم تٷسٸرٸپ, ٸستٸ اپەللياتسييالىق تەرتٸپپەن قايتا قاراۋدى سۇراعان.
اقتٶبە وبلىستىق سوتىنىڭ اپەللياتسييالىق القاسى ٸستٸ قايتا قاراپ, ايىپتى قىلمىستىق كودەكستٸڭ 189-بابىنىڭ 4-بٶلٸگٸنەن 1-بٶلٸگٸنە قايتا سارالاعان. سوت ماتەريالدارى بويىنشا 100 جىلقىنىڭ بارلىعىن يەمدەنۋ فاكتٸسٸ دەلەلدەنبەگەن. اپەللياتسييالىق ساتىدا بٸر جىلقىعا قاتىستى عانا شىعىن كەلتٸرٸلگەنٸ انىقتالعان.
وسىعان بايلانىستى راحات سەرسەنوۆكە 7 جىلدىق باس بوستاندىعىنان ايىرۋدىڭ ورنىنا 6 ايعا باس بوستاندىعىن شەكتەۋ جازاسى تاعايىندالعان. كەيٸن راقىمشىلىق تۋرالى زاڭ قولدانىلىپ, جازا مەرزٸمٸ 3 ايعا قىسقارتىلعان. تەرگەۋ يزولياتورىندا بولعان ۋاقىتى ەسەپكە الىنعاندىقتان, جازا ٶتەلدٸ دەپ تانىلىپ, جىلقىشى سوت زالىنان بٸردەن بوساتىلعان.
سونداي-اق ماتەريالدىق شىعىن كٶلەمٸ باستاپقىداعى شامامەن 30 ميلليون تەڭگەدەن 600 مىڭ تەڭگەگە دەيٸن تٶمەندەتٸلگەن.
وسىلايشا, راحات سەرسەنوۆ تولىق اقتالعان جوق. اپەللياتسييالىق سوت 100 جىلقىعا قاتىستى ايىپتى الىپ تاستاپ, بٸر جىلقىعا قاتىستى ٸستٸ عانا دەلەلدەنگەن دەپ تانىعان.
