شىمكەنتتە بولعان جول-كٶلٸك وقيعاسى سالدارىنان ەكٸ ادام اۋىر جاراقات الىپ, جانساقتاۋ بٶلٸمٸنە تٷستٸ. اپاتتان كەيٸن اۆتوكٶلٸك ٶرتەنٸپ كەتكەن, دەپ حابارلايدى ult.kz.
قالالىق تٶتەنشە جاعدايلار دەپارتامەنتٸنٸڭ مەلٸمەتٸنشە, وقيعا ورنىنا جەدەل جەتكەن قۇتقارۋشىلار كٶلٸكتٸڭ تولىقتاي وتقا ورانعانىن انىقتاپ, ٶرتتٸ سٶندٸرگەن.
«جول-كٶلٸك وقيعاسى سالدارىنان زارداپ شەككەن ەكٸ ادام جەدەل مەديتسينالىق كٶمەك قىزمەتٸنٸڭ ماماندارىنا تاپسىرىلدى. ەكٸ ناۋقاستىڭ دا جاعدايى اۋىر», – دەپ حابارلادى ۆەدومستۆو.
الدىن الا مەلٸمەت بويىنشا, جٷرگٸزۋشٸ كٶلٸكتٸ باسقارا الماي قالىپ, دٷكەن عيماراتىنا سوعىلعان. سوققىدان كەيٸن اۆتوكٶلٸك ٶرتەنگەن.
وقيعاعا قاتىستى قىلمىستىق ٸس قوزعالدى. پوليتسييا قىزمەتكەرلەرٸ اپاتتىڭ بارلىق مەن-جايىن انىقتاۋ ٷشٸن تەرگەۋ جۇمىستارىن جٷرگٸزٸپ جاتىر.
قالالىق دەنساۋلىق ساقتاۋ باسقارماسىنىڭ مەلٸمەتٸنشە, جول اپاتىنان زارداپ شەككەن ەكٸ ادام №1 قالالىق كلينيكالىق اۋرۋحانانىڭ جانساقتاۋ بٶلٸمٸندە جاتىر.
