وش وبلىسىنىڭ نووكات اۋدانىندا تٶرت اي بۇرىن كٷمەندٸ جاعدايدا كٶز جۇمعان 21 جاستاعى ايجانىل اليكاراەۆانىڭ مەيٸتٸ قابٸردەن قايتا شىعارىلدى, دەپ حابارلايدى ult.kz.
مارقۇمنىڭ كٷيەۋٸنٸڭ تۋىستارى ونىڭ ٶز-ٶزٸنە قول جۇمساپ قايتىس بولعانىن ايتقانىمەن, قىزدىڭ جاقىندارى بۇعان سەنبەي, ٶلٸمٸنە زورلىق-زومبىلىق سەبەپ بولۋى مٷمكٸن دەپ ەسەپتەيدٸ.
مارقۇمنىڭ تۋىستارى ٸستٸڭ ەدٸل تەرگەلۋٸن تالاپ ەتٸپ جاتقانىن ايتىپ وتىر. ال پوليتسييا كوميسسيوندىق سوت-مەديتسينالىق ساراپتامانىڭ قورىتىندىسى بويىنشا قۇقىقتىق باعا بەرٸلەتٸنٸن مەلٸمدەدٸ.
قايعىلى وقيعا بيىل 19 اقپاندا بولعان. ارادا تٶرت اي ٶتسە دە ٸستٸڭ سوتقا جەتپەگەنٸنە نارازى بولعان مارقۇمنىڭ اتا-اناسى العاشقى سوت-مەديتسينالىق ساراپتامانىڭ قورىتىندىسىنا كٷمەن كەلتٸرٸپ, مەيٸتتٸ قايتا قازىپ الىپ, ەكسگۋماتسييا جاساۋعا قول جەتكٸزگەن.
مارقۇمنىڭ ەپكەسٸ ۋۋلچا ورۋنباەۆانىڭ ايتۋىنشا, العاشقى ساراپتاما ايجانىلدى «ەكٸقابات بولماعان» دەگەن قورىتىندى شىعارعان. الايدا اناسى قىزى قايتىس بولار الدىندا جٷكتٸ ەكەنٸن ايتىپ سٷيٸنشٸ سۇراعانىن, سونداي-اق فوتو مەن بەينەجازبالار جٸبەرگەنٸن ايتىپ, العاشقى ساراپتامانىڭ قورىتىندىسىنا كٷمەن كەلتٸرٸپ وتىر.
اناسىنىڭ ايتۋىنشا, مەيٸتتٸ قايتا قازىپ العانجا ونىڭ جاتىرى مەن بٷيرەگٸ جوق ەكەنٸن كٶرگەن. اناسى ول اعزالار قايدا كەتتٸ? دەپ شىرىلداپ وتىر.
