زورلاۋ قىلمىسىنا قاتىستى زاڭنامانى قاتايتۋ مەسەلەسٸ بويىنشا ٶتٸپ جاتقان دٶڭگەلەك ٷستەلگە «تالگو» پويىزىندا زورلىق كٶرگەن جەبٸرلەنۋشٸ دە قاتىستى, دەپ حابارلايدى قازاقپارات تٸلشٸسٸ.
«تالگو» پويىزىندا زورلىق كٶرگەن جەبٸرلەنۋشٸ باسىنان ٶتكەن وقيعانى دٶڭگەلەك ٷستەلگە قاتىسۋشىلارعا تولىق بايانداي كەلٸپ, ەۋەلدە كٸنەلٸ تاراپ ٸستٸ اقشا تٶلەۋ ارقىلى جاۋىپ تاستاماق بولعانىن ايتتى.
«ٸستٸڭ باسقالاي باعىت الىپ بارا جاتقانىن كٶرگەندە ماعان زورلىق كٶرسەتكەن تاراپ اقشا ۇسىندى. مەن اقشاعا مۇقتاج ادام ەمەس ەكەنٸمدٸ, ار-نامىسىم ٷشٸن كٷرەسٸپ جٷرگەنٸمدٸ ايتتىم. ولار ۇسىنعان اقشانى مەن ەكٸ ايدا تابا الامىن. ەكٸ ايدا تاباتىن اقشانى بٸز ساعان بٸر جولدا بەرگەلٸ وتىرمىز دەپ كٶندٸرمەك بولدى», - دەيدٸ جەبٸرلەنۋشٸ.
ول سونداي-اق بۇل ٸستٸ ەشقانداي ىڭ-شىڭسىز, زاڭ اياسىدا شەشپەك بولعانىن ايتادى. الايدا ٶز قۇقىعى مەن نامىسى قورعالىپ جاتپاعانىن كٶرگەندە عانا قوعامدىق ۇيىمدارعا جٷگٸنگەن.
«مەن ەڭ بٸرٸنشٸ ەگدە جاستاعى اتا-انامدى ويلادىم. سولارعا اۋىر تيەتٸنٸن بٸلدٸم. سول ٷشٸن ەشقانداي رەزونانس تۋعىزباي-اق, زاڭ اياسىندا شەشكٸم كەلدٸ. بٸراق ولاي مٷمكٸن بولمادى», - دەگەن زارداپ شەگۋشٸ «قازاقستان تەمٸر جولى» كومپانيياسىنىڭ ٶكٸلدەرٸنەن جولاۋشىلاردىڭ قاۋٸپسٸزدٸگٸن قامتاماسىز ەتۋدٸ سۇرادى.
«قازاقستان تەمٸر جولى» كومپانيياسىنان جولاۋشىلاردىڭ قاۋٸپسٸزدٸگٸن تولىق كٶلەمدە قامتاماسىز ەتۋدٸ سۇرايمىن. ۆاگوندارعا بەلگٸ بەرەتٸن تەتٸك ورناتا ما, ەلدە بەينەباقىلاۋ قويا ما, ەيتەۋٸر قاۋٸپسٸزدٸكتٸ قامتاماسىز ەتۋ قاجەت. ەگەر سول كەزدە وسىنداي تەتٸكتەر بولسا, مەن وسىلايشا ازاپ شەكپەس ەدٸم», - دەدٸ ول.
