"Egemen Qazaqstan" گازەتٸ رەداكتسيياسىندا اقپارات جەنە قوعامدىق دامۋ مينيسترٸ ايدا بالاەۆانىڭ قاتىسۋىمەن زييالى قاۋىم ٶكٸلدەرٸ مەملەكەت باسشىسى قاسىم-جومارت توقاەۆتىڭ "جاڭا جاعدايداعى قازاقستان: ٸس-قيمىل كەزەڭٸ" اتتى جولداۋىن تالقىلادى, - دەپ حابارلايدى Egemen.kz.
دٶڭگەلەك ٷستەلگە قر مەجٸلٸس دەپۋتاتتارى, ەلٸمٸزدەگٸ بەدەلدٸ جوو باسشىلارى, وبلىستىق گازەتتەردٸڭ باس رەداكتورلارى, اقىن-جازۋشىلار مەن باسپاسٶز ٶكٸلدەرٸ قاتىستى.
جيىن بارىسىندا سٶز العان مەجٸلٸس دەپۋتاتى دارحان قامزابەكۇلى ەر جولداۋ رەفورمالاردى جٷزەگە اسىرۋ ٷشٸن جاسالاتىنىن اتاپ ٶتتٸ.
"پرەزيدەنتتٸڭ كەزەكتٸ جولداۋىندا ساباقتاستىق بار. ٶيتكەنٸ مەملەكەت باسشىسى قاسىم-جومارت توقاەۆ وسىدان 5 جىل بۇرىن ەلباسى كٶتەرگەن مەسەلەلەردٸڭ كٶپشٸلٸگٸن ەرٸ قاراي جٷزەگە اسىرۋدىڭ جولدارىن ۇسىندى. پرەزيدەنت جولداۋدا "كەش قابىلدانعان شەشٸمنٸڭ ٶزٸ جاي عانا زييان ەمەس, ول ۇلتتىق قاۋٸپسٸزدٸگٸمٸزگە قاتەر تٶندٸرەدٸ" دەدٸ. بٸزدٸڭ بٷگٸنگٸ جيىن دا ٶتە دەر كەزٸندە جاسالىپ وتىر. ەر دەپۋتاتتىڭ تيٸمدٸلٸگٸ بولۋى كەرەك. سوندا عانا جاقسى ساپالى زاڭدار بولادى. بٸزدٸڭ اتقارۋشى بيلٸك تە زاڭعا جاي قاراي سالماي, بٷكٸل بولاشاق ستراتەگييالىق ماقساتىن ورىنداۋىن كٶزدەۋگە بارىنشا اتسالىسسىن دەپ ايتىپ وتىر. مەنٸڭشە ول ٶتە دۇرىس مەسەلە", - دەدٸ ول.
سونداي-اق ل. ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ رەكتورى ەرلان سىدىقوۆ جولداۋ حالىقتىڭ مٷددەسٸنە باعىتتالعانىن سٶز ەتتٸ.
"وسىدان 1 جىل بۇرىن سايلاۋالدى ناۋقانعا پرەزيدەنت حالىقتىڭ ٷنٸنە قۇلاق اساتىن مەملەكەت قاجەت دەپ ايتقان بولاتىن. سول سٶز بيلٸكتٸڭ ۇستانىمىنا اينالىپ كەلە جاتقانىن كٶرٸپ وتىرمىز. سوندىقتان دا بولار وسى ارالىقتا كٶپتەگەن مەسەلەلەر كٶتەرٸلدٸ. بارىنشا وپەراتيۆتٸ تٷردە كٶپ مەسەلە شەشٸلٸپ جاتىر. بيلٸك پەن حالىق اراسىندا ٷنەمٸ بايلانىس بولۋى كەرەك. بٸزدە حالىقتىڭ ويىن ەستٸپ وتىراتىنداي مەحانيزم بولۋى كەرەك. ونى جاسايتىن پارتييالار, قوعامدىق ۇيىمدار, قوعامدىق بٸرلەستٸكتەر, مەجٸلٸس, مەسليحاتتار. وسى ۇيىمدارعا باسا نازار اۋدارىلدى. قۇجاتتا ولارعا قوسىمشا قۇقىق بەرٸلەتٸنٸ ايتىلدى. مەسليحاتتار بيلٸككە پەتيتسييامەن شىعۋعا دەيٸن بارۋ كەرەك ەكەنٸن ايتىپ وتىر. بۇل رەۆوليۋتسييالىق شەشٸم. وسى شەشٸم كٶڭٸلٸمٸزگە جاقسى ۇيا سالىپ وتىر. بۇل قوعامدىق ۇيىمدار جٷيەلٸ تٷردە ەكٸ ارادا بايلانىس جاساپ وتىرعانىمەن, بيلٸك پەن حالىقتىڭ ساياسي مەدەنيەتٸنٸڭ دەڭگەيٸ بٸر بٸرٸنە جاقىن بولۋ كەرەك",- دەدٸ ەرلان سىدىقوۆ.
ايتا كەتەيٸك, جيىننان سوڭ ايدا بالاەۆا "Egemen Qazaqstan" گازەتٸنٸڭ تٸلشٸلەرٸمەن كەزدەستٸ. باسىلىمنىڭ اتقارىپ جاتقان جۇمىسىنا وڭ باعا بەرگەن مينيستر ۇجىمعا مينيسترلٸكتٸڭ اتىنان اۆتوكٶلٸك سىيعا تارتتى.
