كۋەگەر EXPO-2017 اۋماعىندا بولعان تٶتەنشە جاعدايدىڭ مەن-جايىن ايتىپ بەردٸ, - دەپ حابارلايدى kaz.tengrinews.kz تٸلشٸسٸ.
كٶرمە كەشەنٸندەگٸ پاۆيلونداردا جۇمىس ٸستەپ جٷرگەن ليفت كومپانيياسىنىڭ قىزمەتكەرٸ نيكولاي كوستەنكو تٶتەنشە جاعداي بولماي تۇرىپ 2 مينۋت بۇرىن كەتٸپ, امان قالعان. جۋرناليستەرگە بەرگەن سۇحباتىندا ول بولعان وقيعانىڭ مەن-جايىن ايتىپ بەردٸ.
"تٶتەنشە جاعداي س 1-3 پەن س1-4 پاۆيلوندارىنىڭ اراسىندا بولعان. ولاردىڭ اراسىندا شىنىدان سالىنعان كٶپٸر ورنالاسقان ەدٸ. ەندٸ سول كٶپٸر بٷگٸن وپىرىلدى. مىنا جاعداي بولماس بۇرىن كەتٸپ قالعانىم جاقسى بولىپتى. مەن پاۆيلونعا كٸرگەن سوڭ عانا جەر سٸلكٸنٸسٸ بولعانداي دىبىستاردى ەستٸدٸم", - دەدٸ ەر ادام.
ونىڭ ايتۋىنشا, بۇل وقيعا تٷسكٸ ٷزٸلٸس كەزٸندە بولعان. سول ۋاقىتتا وندا جۇمىسشىلار دا بولماپتى.
سونداي-اق, ەر ادام قازٸرگٸ ۋاقىتتا وندا تٶتەنشە جاعدايدىڭ مەن-جايى انىقتالىپ جاتقانىن ايتتى. ونىڭ ويىنشا, بۇل جاعداي مىنا سەبەپتەرگە بايلانىستى بولىپ وتىر: "شىنىدان سالىنعان كٶپٸر جاۋعان قاردى كٶتەرە المادى. قازٸر ەندٸ بۇل مەسەلەمەن اينالىسادى. (...) ەگەر دە مۇنىڭ بارلىعىن قايتا قالپىنا كەلتٸرەتٸن بولسا, بۇل قيىنعا سوعادى. ونسىز دا بۇل شىنى كٶپٸردٸ بٸر جىل بويى سالعان بولاتىن", - دەدٸ نيكولاي كوستەنكو.
ليفت كومپانيياسىنىڭ قىزمەتكەرٸنٸڭ ايتۋىنشا, وپىرىلعان قۇرىلىس بٶلٸكتەرٸنٸڭ استىندا پاۆيلونداردىڭ بٸرٸنە ورناتىلۋى تيٸس ەسكالاتورلار قالىپ قالدى.
"بٸز پاۆيلوندارعا ليفت ورناتىپ جاتقان بولاتىنبىز. جۇمىسشىلارىمىز ەرەڭ دەگەندە ول جاقتان قاشىپ شىعا الادى. بٸز ەكٸ ەسكالاتوردى ورناتۋىمىز كەرەك بولاتىن. ولاردى سىرتقا شىعارىپ, تٷسكٸ اسقا كەتكەن ەدٸك. وسىلايشا ەسكالاتورلار وپىرىلعان قۇرىلىستىڭ استىندا قالىپ قويدى", - دەدٸ كۋەگەر.
ەسكە سالايىق, وسىعان دەيٸن استاناداعى EXPO-2017 اۋماعىندا قۇرىلىس بٶلٸگٸنٸڭ وپىرىلعانى حابارلانعان بولاتىن. بۇل بٷگٸن, 16 قاراشادا بٸرنەشە ساعات بۇرىن بولىپ وتىرعان جاعداي ال كەيٸنٸرەك وندا بولعان تٶتەنشە جاعدايدان بٸر جۇمىسشىنىڭ اۋرۋحاناعا تٷسكەنٸ ايتىلدى.
