حالىقتى كٶگٸلدٸر وتىنمەن قامتاماسىز ەتۋ - ەلەۋمەتتٸك ماڭىزى زور مەسەلە. بۇل جايىندا ەلباسى نۇرسۇلتان ەبٸشۇلى نازارباەۆ حالىققا جولداۋلارىندا جيٸ ايتىپ كەلەدٸ. ەسٸرەسە ناۋرىز ايىنداعى بەس باستاما ٷندەۋٸندە ەلدٸ گازبەن قامتاماسىز ەتۋدٸ جالعاستىرۋ جايىن باسا ايتتى.
كٷنٸ كەشە استانا قالاسىنداعى "يندۋسترييالاندىرۋدىڭ ەكٸنشٸ بەسجىلدىعى: قازاقستاندا جاسالعان" اتتى جالپىۇلتتىق تەلەكٶپٸر كەزٸندە مەملەكەت باسشىسى "سارىارقا" گاز قۇبىرىنىڭ قۇرىلىسىن باستاۋعا پەرمەن بەردٸ. بۇل جوبا اياقتالعاندا ەل ورتالىعى مەن سولتٷستٸك ٶڭٸرلەردەگٸ 171 ەلدٸ مەكەنگە كٶگٸلدٸر وتىن جەتەدٸ. قازٸرگٸ تاڭدا ەلٸمٸزدٸڭ ٶزگە ايماقتارىندا دا گازداندىرۋ دەڭگەيٸ جاڭا بەلەسكە كٶتەرٸلٸپ, جاندانىپ كەلەدٸ. اتاپ ايتار بولساق, بٷگٸن استاناداعى ورتالىق كوممۋنيكاتسييالار قىزمەتٸندە ٶتكەن بريفينگتە الماتى وبلىسىنىڭ ەكٸمٸ اماندىق باتالوۆ ٶڭٸردەگٸ گازداندىرۋ دەڭگەيٸ جىل سوڭىنا دەيٸن 30 %-دان اساتىنىن تٸلگە تيەك ەتتٸ.
الماتى وبلىسى بويىنشا گازداندىرۋ تالدىقورعان قالاسىندا قالاٸشٸلٸك جٷيەلەردٸ جٷرگٸزۋدٸڭ قۇرىلىسى جالعاسۋدا ەكەن. تەكەلٸ قالاسىنا دەيٸنگٸ گاز قۇبىرى ٸسكە قوسىلعان. باقاناس, ٷشتٶبە مەن سارىٶزەكتە جەتكٸزگٸش گاز قۇبىرلارى بار 3 اگبس-تىڭ قۇرىلىسى باستالعان. جالپى وبلىستا گازداندىرۋ جۇمىسى 14 اۋداندا جٷرٸپ جاتىر. ال تاراتۋشى گاز جٷيەسٸنٸڭ قۇرىلىسى جەكە ينۆەستيتسييا ەسەبٸنەن جٷرگٸزٸلۋدە ەكەن.
ٶڭٸردٸ گازداندىرۋ جۇمىستارىنا بيىل بيۋدجەتتەن 9,6 ميلليارد تەڭگە بٶلٸنگەن. ال 36 ميلليارد تەڭگە جەكە ينۆەستيتسييا بويىنشا تارتىلعان. ياعني بيۋدجەت قارجىسىنىڭ 1 تەڭگەسٸنە جەكە قاراجاتتىڭ 3 تەڭگەسٸ سەيكەس كەلەدٸ. جوسپار بويىنشا جىل سوڭىنا دەيٸن الماتى وبلىسىندا كٶگٸلدٸر وتىن جەتكەن ەلدٸمەكەندەردٸڭ سانى 142-گە جەتەدٸ. مۇنى باعامداپ قارار بولساق 30%-دان اسادى.
ايماقتار مەن ٶڭٸرلەردٸ گازبەن قامتاماسىز ەتۋ الدىمەن حالىق يگٸلٸگٸ ٷشٸن, ەكٸنشٸدەن ەكولوگيياعا دا پايداسى زور. ەلباسى بەس باستاماسىندا: "ەكولوگييا جاقسارادى. گازعا كٶشۋ تەك استانانىڭ ٶزٸندە زيياندى قالدىقتاردىڭ اۋاعا تارالۋىن 6 ەسەگە نەمەسە جىلىنا 35 مىڭ تونناعا ازايتادى" - دەگەن بولاتىن. بۇل دەگەنٸمٸز - ەكولوگييانى جاقسارتۋدىڭ بٸر جولى دا.
قازاقستان گاز ٶندٸرۋ كٶلەمٸن 8 ميلليارد تەكشە مەتردەن باستاپ, تەۋەلسٸزدٸك جىلدارىندا بۇل كٶرسەتكٸشتٸ 52 ميلليارد تەكشە مەترگە دەيٸن ارتتىردى. قازٸر ەل تۇرعىندارىنىڭ گازبەن قامتىلۋ دەڭگەيٸ 47,38%-دى قۇرايدى. بۇل دەگەنٸمٸز 8,5 ميلليون تۇرعىن گازبەن قامتىلعان. اعىمداعى جىلى مەملەكەت تاراپىنان گازداندىرۋعا 18,4 ميلليارد تەڭگە, ال ۇلتتىق وپەراتور تاراپىنان 1,5 ميلليارد تەڭگە قاراستىرىلعان.
