فوتو: قتج
پرەمەر-مينيستردٸڭ بٸرٸنشٸ ورىنباسارى رومان سكليار ٷكٸمەتتە ٶتكەن باسپاسٶز كونفەرەنتسيياسىندا مەملەكەت باسشىسىنىڭ كٶلٸك ينفراقۇرىلىمىن دامىتۋ بويىنشا بەرگەن تاپسىرماسى اياسىندا جٷرگٸزٸلٸپ جاتقان جۇمىستار تۋرالى باياندادى, دەپ حابارلايدى Ult.kz.
ونىڭ ايتۋىنشا ەلٸمٸزدە بٸرقاتار ٸرٸ تەمٸرجول جوبالارى ٸسكە اسىرىلۋدا. مەسەلەن, «دوستىق – مويىنتى» جەنە «الماتى قالاسىنىڭ اينالما جولى» جوبالارى اياقتالۋ ساتىسىندا. كەلەسٸ جىلى «مويىنتى – قىزىلجار», «داربازا – ماقتاارال» جوبالارى اياقتالادى. ال 2027 جىلى «باقتى – اياگٶز» جوباسى ٸسكە قوسىلادى.
«جىل سوڭىنا دەيٸن 175 جاڭا جولاۋشىلار ۆاگونىن ساتىپ الۋ جوسپارلانۋدا. ەۋە حابتارىن دامىتۋ جەنە ەۋە جٷكتەرٸنٸڭ كٶلەمٸن ارتتىرۋ ماقساتىندا ەۋەجاي ينفراقۇرىلىمى جاڭعىرتىلۋدا, كەدەندٸك رەسٸمدەر جەڭٸلدەتٸلۋدە, تسيفرلىق شەشٸمدەر ەنگٸزٸلۋدە. زايسان, كاتونقاراعاي جەنە كەندٸرلٸ كۋرورتتىق ايماقتارىندا ەۋەجاي قۇرىلىسى باستالدى. اۆتوكٶلٸك جولدارى سالاسىندا 12 مىڭ شاقىرىم جول قۇرىلىس جەنە جٶندەۋ جۇمىستارىمەن قامتىلعان, ونىڭ 7 مىڭ شاقىرىم اعىمداعى جىلى سوڭىنا دەيٸن اياقتاۋ جوسپارلانىپ وتىر», — دەدٸ ول.
