قر ٸٸم يۋۆەنالدىق پوليتسييا جەنە ەيەلدەردٸ زورلىق-زومبىلىقتان قورعاۋ باسقارماسى باسشىسىنىڭ ورىنباسارى ۆاديم ياتسەنكو بالا تەربيەسٸندە اتا-انا مٸندەتٸن ورىنداماعاندار تۋرالى, دەپ حابارلايدى قازاقپارات.
«پوليتسييا ٶتٸنٸشحاتى بويىنشا سوتتار جىل سايىن ٶزدەرٸنٸڭ بالالارىن تەربيەلەۋگە قاتىستى مٸندەتتەرٸن ورىنداماعانى ٷشٸن بەس مىڭنان استام اتا-انانى ەكٸمشٸلٸك جاۋاپقا تارتادى. بٸر مىڭعا جۋىعى اتا-انا قۇقىعىنان ايىرىلادى. وسى ارقىلى بٸز جاساندى تٷردە ەلٸمٸزدە ەلەۋمەتتٸك جەتٸمدٸك دەڭگەيٸن كٶتەرۋدەمٸز», - دەپ توقتالدى ۆ. ياتسەنكو پارلامەنت مەجٸلٸسٸندە بالالار قۇقىعىن قورعاۋعا ارنالعان وتىرىس بارىسىندا.
وسى ورايدا ول بالادا لايىقتى تەربيەنٸڭ بولماۋىنا جەنە ولارعا قاتىستى زورلىق-زومبىلىقتىڭ ورىن الۋىنا كٶبٸنە ەلەۋمەتتٸك-تۇرمىستىق سيپاتتاعى وتباسىلىق پروبلەمالار سەبەپشٸ ەكەنٸن اتاپ ٶتتٸ. جۇمىسپەن قامتۋداعى, تۇرمىستىق پروبلەمالاردى شەشۋدەگٸ, مەديتسينالىق-پسيحولوگييالىق قولداۋداعى كەشەندٸ كٶمەكتٸ ۋاقىتىلى ٸسكە اسىرۋ - تەۋەكەل توبىنداعى كەمەلەتكە تولماعاندار مەن قيىن جاعدايداعى وتباسىلاردى تيٸمدٸ وڭالتۋعا ىقپال ەتەدٸ.
سونىمەن قاتار, ۆ. ياتسەنكو بالالاردىڭ پروبلەماسىمەن اينالىساتىن پوليتسييا مەن باسقا دا ۆەدومستۆولاردىڭ جاۋاپكەرشٸلٸك ايماعى بٶلٸنٸپ, جٸكتەلگەنٸن جەتكٸزدٸ. پسيحولوگييالىق, مەديتسينالىق, ەلەۋمەتتٸك كٶمەك كٶرسەتۋ ٷشٸن ەسەپكە الۋدىڭ جاڭا جٷيەسٸن بارلىق دەڭگەيدەگٸ جەرگٸلٸكتٸ اتقارۋشى ورگاندار جٷرگٸزەدٸ.
«پوليتسييانىڭ اۋماقتىق ورگاندارى ەكٸمدٸكتەرگە ۆەدومستۆولىق ەسەپتە تۇرعان كەمەلەتكە تولماعانداردىڭ, سونداي-اق تۇرمىسى تٶمەن وتباسىلاردىڭ تٸزٸمٸن جٸبەردٸ. بٷگٸندە پوليتسييا ورگاندارىندا تۇرمىسى تٶمەن 8 مىڭنان استام وتباسى, كەمەلەتكە تولماعان 6 مىڭنان استامى پروفيلاكتيكالىق ەسەپتە تۇر», - دەدٸ ول.
